پریاگ راج میں منعقدہ ایک تقریب کے دوران چیف جسٹس آف انڈیا (سی جے آئی) جسٹس بی آر گوئی نے اتر پردیش کے وزیر اعلیٰ کے کام کرنے کے انداز اور پریاگ راج کی تاریخی سرزمین کی تعریف کرتے ہوئے اہم بیان دیا ہے۔ تقریب کے دوران مرکزی وزیر قانون اور انصاف ارجن رام میگھوال نے اپنے خطاب میں کہا کہ یوگی آدتیہ ناتھ جی ملک کے سب سے طاقتور اور محنتی وزرائے اعلیٰ میں سے ایک ہیں۔
ارجن رام میگھوال کے اس بیان پر رد عمل دیتے ہوئے سی جے آئی بی آر گوئی نے بھی اس کی تائید کی اور کہا کہ ’’میگھوال جی نے کہا کہ یوگی جی اس ملک کے سب سے طاقتور اور محنتی وزیر اعلیٰ ہیں۔ میں کہنا چاہوں گا کہ پریاگ راج طاقتور لوگوں کی سرزمین ہے۔ تو واقعی یوگی جی طاقتور ہیں۔‘‘
چیف جسٹس نے پریاگ راج کی تاریخی اہمیت کو بھی اجاگر کیا
چیف جسٹس آف انڈیا کا یہ بیان نہ صرف یوگی آدتیہ ناتھ کی انتظامی صلاحیت کی تعریف تھا، بلکہ انھوں نے پریاگ راج (پرانا نام: الہ آباد) کے تاریخی اور سماجی ورثے کی بھی تعریف کی۔ واضح رہے کہ پریاگ راج ہندوستان کی عدالتی، سیاسی اور ثقافتی تاریخ میں ایک اہم مقام رکھتا ہے، جہاں سے کئی بااثر رہنما، مفکر اور سماجی مصلح ابھرے ہیں۔
اس موقع سی جے آئی نے یہ اشارہ بھی دیا کہ پریاگ راج کی سرزمین نے کئی طاقتور شخصیات اور لیڈروں کو جنم دیا ہے، جنھوں نے ملک کو نئی سمت دینے میں اہم کردار ادا کیا ہے۔ اس پروگرام کے دوران ملک کے عدالتی ڈھانچے، عدالتی اصلاحات اور عام شہریوں کی انصاف تک رسائی کے حوالے سے بھی کئی اہم نکات پر غور کیا گیا۔ اس پروگرام کو پریاگ راج میں عدالتوں کے حوالے سے ایک نئے باب کے آغاز کے طور پر دیکھا جا رہا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
