یوکو بینک کے سابق چیئرمین اور منیجنگ ڈائریکٹر سبودھ کمار گویل کو انفورسمنٹ ڈائریکٹوریٹ نے نئی دہلی واقع ان کے گھر سے گرفتار کر لیا ہے۔ یہ کارروائی کولکاتا کی کمپنی کانکاسٹ اسٹیل اینڈ پاور لمیٹڈ (سی ایس پی ایل) سے منسلک 6210 کروڑ روپے کے مبینہ بینک لون گھوٹالے کی جانچ کے تحت ہوئی ہے۔ ای ڈی کا الزام ہے کہ سبودھ کمار نے اپنی مدت کار کے دوران سی ایس پی ایل کو ضرورت سے زیادہ کریڈٹ سہولیات دیں، جن کا کمپنی نے غلط استعمال کیا۔ ان فنڈز کو مبینہ طور پر ڈائیورٹ اور سائفن آف کیا گیا، جس سے بینک کو زبردست نقصان ہوا۔ جانچ میں پتہ چلا ہے کہ گویل نے سی ایس پی ایل سے ناجائز رشوت کی شکل میں نقدی، لگژری سامان، ہوٹل بکنگ اور شیل کمپنیوں کے ذریعہ غیر منقولہ ملکیتیں حاصل کیں۔
Kolkata, West Bengal: ED arrests former UCO Bank CMD Subodh Kumar Goel in ₹12,000 crore bank fraud case. He was brought from Delhi on transit remand and will be produced before the Bankshall Court today pic.twitter.com/wadaLBdCfS
— IANS (@ians_india) May 17, 2025
میڈیا رپورٹس کے مطابق ای ڈی نے اپریل 2025 میں گویل اور دیگر مشتبہ افراد کے ٹھکانوں پر چھاپہ ماری کی تھی، جس میں اہم ثبوت حاصل ہوئے ہیں۔ گویل کو 17 مئی کو کولکاتا کی خصوصی پی ایم ایل اے کورٹ میں پیش کیا گیا، جہاں انھیں 21 مئی تک ای ڈی کی حراست میں بھیج دیا گیا۔ کورٹ نے ای ڈی کو ان سے سخت پوچھ تاچھ کی اجازت دی تاکہ گھوٹالے کے پورے نیٹورک کا پتہ لگایا جا سکے۔ اس معاملے میں سی ایس پی ایل کے چیف پروموٹر سنجے سُریکا کو دسمبر 2024 میں گرفتار کیا گیا تھا۔ ای ڈی نے اب تک 510 کروڑ روپے کی ملکیتیں ضبط کی ہیں، جن میں شیل کمپنیوں کے ذریعہ خریدی گئی پراپرٹی شامل ہیں۔
ED arrests Former Chairman & MD of #UCOBank #SubodhKumar Goel under #PMLA, 2002 in investigation against Concast Steel & Power & others in a bk fraud case
Investigation relating to sanction of credit facilities to CSPL & subsequent large-scale diversion & siphoning of loan funds… pic.twitter.com/YmHNNIYydV
— CNBC-TV18 (@CNBCTV18Live) May 19, 2025
تحقیقات کے درمیان انکشاف ہوا ہے کہ سی ایس پی ایل نے لون (قرض) کے پیسے کو غلط پروجیکٹس میں لگایا اور ڈیفالٹ کر دیا۔ گویل کا الزام ہے کہ انھوں نے قصداً اصولوں کو نظر انداز کیا اور کمپنی کو فائدہ پہنچایا۔ یہ گرفتاری بینکنگ سیکٹر میں بدعنوانی کے خلاف ای ڈی کی سخت کارروائی کا حصہ ہے۔ جانچ فی الحال جاری ہے، اور ای ڈی دیگر مشتبہ افراد و ملکیتوں کی تلاش میں مصروف ہے، تاکہ اس گھوٹالے کی پوری سچائی سامنے آ سکے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
