پنجاب کے امرتسر سے دل دہلا دینے والی خبر آئی ہے۔ یہاں مجیٹھا علاقے کے تین دیہاتوں میں زہریلی شراب پینے سے تقریباً 14 لوگوں کی موت ہو گئی ہے، جب کہ کئی کی حالت تشویشناک ہے۔ پنجاب میں 3 سال میں زہریلی شراب کا یہ چوتھا بڑا سانحہ ہے۔ ذرائع کے مطابق بھنگالی اور مراری کلاں گاؤں کے تین تین نوجوان اور ٹھڈیوال گاؤں کے دو افراد کی موت ہوئی ہے۔ پولیس نے خدشہ ظاہر کیا ہے کہ مرنے والوں کی تعداد میں مزید اضافہ ہو سکتا ہے، کیونکہ کچھ لوگوں کی حالت انتہائی تشویشناک ہے۔
Amritsar, Punjab: Deputy Commissioner Sakshi Sawhney visited the villages where several people died after consuming spurious liquor. Authorities are investigating the incident and ensuring medical aid for affected families pic.twitter.com/MK8QHIlWqS
— IANS (@ians_india) May 13, 2025
واقعہ کی اطلاع ملنے کے بعد ڈپٹی کمشنر ساکشی ساہنی نے ان دیہات کا دورہ کیا ،جہاں زہریلی شراب پینے سے کئی لوگوں کی موت ہوئی تھی۔
#WATCH | Punjab: 14 people dead and 6 hospitalised after allegedly consuming spurious liquor in Amritsar’s Majitha
Amritsar Deputy Commissioner Sakshi Sawhney says, ” An unfortunate tragedy has happened in Majitha. We got to know yesterday night, we received reports from 5… pic.twitter.com/9IauurxVyq
— ANI (@ANI) May 13, 2025
پولیس کو بتائے بغیر آخری رسومات ادا کی گئیں
مجیٹھا کے ایس ایچ آفتاب سنگھ نے بتایا کہ ابتدائی تحقیقات میں یہ بات سامنے آئی ہے کہ تمام لوگوں نے اتوار کی شام ایک ہی جگہ سے شراب خرید کر پیی تھی۔ پیر کی صبح کچھ لوگوں کی طبیعت خراب ہونے لگی اور ان کی موت ہوگئی۔ افسوسناک بات یہ ہے کہ مقامی لوگوں نے پولیس کو اطلاع دیے بغیر لاشوں کو جلا دیا۔
پولیس کو اس معاملے کا دیر رات پتہ چلا ،جس کے بعد تحقیقات شروع کر دی گئی ہے۔ اب پولیس یہ جاننے کی کوشش کر رہی ہے کہ شراب کہاں سے لائی گئی تھی اور اس میں کیا ملایا گیا تھا۔
علاقے میں خوف و ہراس
جائے وقوعہ پر خاموشی ہے اور گائوں میں خوف کا ماحول ہے۔ لوگ ناراض ہیں کہ اتنا بڑا واقعہ ہوا، پھر بھی کچھ لوگوں نے معلومات چھپائی۔ پولیس اب غیر قانونی شراب کے نیٹ ورک کی بھی چھان بین کر رہی ہے۔
اہل علاقہ نے حکومت سے مطالبہ کیا ہے کہ اس واقعہ کی اعلیٰ سطحی تحقیقات کرائی جائے اور زہریلی شراب فروخت کرنے والوں کے خلاف سخت کارروائی کی جائے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
