وزیر داخلہ امت شاہ متاثرین کے اہل خانہ سے ملاقات کرتے ہوئے۔
سری نگر / نئی دہلی: جموں و کشمیر کے ضلع اننت ناگ کے سیاحتی مقام پہلگام میں منگل کے روز پیش آئے دہشت گرد حملے میں کم از کم 26 عام شہری، جن میں اکثریت سیاحوں کی تھی، جاں بحق ہو گئے۔ یہ واقعہ وادی میں 2019 کے پلوامہ حملے کے بعد سب سے ہلاکت خیز حملہ قرار دیا جا رہا ہے۔
یہ حملہ پہلگام کے خوبصورت مگر دشوار گزار مقام “بیسارن” میں اس وقت پیش آیا جب سیاحوں کا ایک گروپ پیدل یا ٹٹو کے ذریعے وہاں پہنچا تھا۔ اس حملے کی ذمہ داری پاکستان میں قائم کالعدم تنظیم لشکرِ طیبہ سے وابستہ ایک گروپ “دی ریزسٹنس فرنٹ” نے قبول کی ہے، تاہم سرکاری طور پر ابھی اس کی تصدیق نہیں کی گئی۔
مرکزی وزیرداخلہ امت شاہ نے متاثرہ خاندانوں سے ملاقات کے دوران انہیں یقین دہانی کرائی کہ “دہشت گردوں کو کسی صورت بخشا نہیں جائے گا، اور اس بہیمانہ حملے کے ذمہ داروں کو کیفرِ کردار تک پہنچایا جائے گا۔”
पहलगाम के आतंकी हमले में अपनों को खोने का दर्द हर भारतीय को है। इस दुःख को शब्दों में व्यक्त नहीं किया जा सकता।
मैं अपने इन सभी परिवारों और पूरे देश को विश्वास दिलाता हूँ कि बेगुनाह मासूम लोगों को मारने वाले इन आतंकियों को बिल्कुल बख्शा नहीं जाएगा। pic.twitter.com/Dwkt6Hhj7P
— Amit Shah (@AmitShah) April 23, 2025
وزیراعظم نریندر مودی نے بھی اس المناک واقعے کی شدید مذمت کرتے ہوئے کہا کہ “اس بزدلانہ حملے کے پیچھے جو بھی عناصر ہیں، ان کو سخت سزا دی جائے گی۔” وزیراعظم مودی نے سعودی عرب کا دورہ مختصر کر کے وطن واپسی پر دہلی ایئرپورٹ پر ہی قومی سلامتی کے مشیر اجیت ڈوول اور وزیر خارجہ ایس جے شنکر کے ساتھ ہنگامی اجلاس منعقد کیا۔
بین الاقوامی سطح پر بھی اس حملے کی مذمت کی جا رہی ہے۔ امریکی صدر ڈونلڈ ٹرمپ، روسی صدر ولادیمیر پوتن، اور اطالوی وزیر اعظم جارجیا میلونی نے اس حملے کی شدید الفاظ میں مذمت کرتے ہوئے بھارت سے اظہارِ یکجہتی کیا۔
پاکستان کی جانب سے بھی حملے کی مذمت کی گئی ہے۔ دفتر خارجہ کے ترجمان شفقت خان نے سیاحوں کے قتل پر افسوس کا اظہار کیا اور کہا کہ پاکستان اس واقعے پر فکرمند ہے۔
انٹیلی جنس ذرائع کے مطابق اس حملے میں لشکر طیبہ کے چار دہشت گرد شامل تھے جن میں دو مقامی افراد بھی شامل تھے، جو باڈی کیمروں کے ساتھ آئے تھے۔ میڈیا رپورٹس کے مطابق ان میں سے ایک کو ماسٹر مائنڈ قرار دیا جا رہا ہے، تاہم حکام نے اس کی باضابطہ تصدیق نہیں کی ہے۔
حکومت جموں و کشمیر نے ہیلپ لائن نمبرز بھی جاری کر دیے ہیں:
ایمرجنسی کنٹرول روم، سری نگر: 0194-2457543، 0194-2483651، 7006058623
24/7 ٹورسٹ ہیلپ ڈیسک، پولیس کنٹرول روم، اننت ناگ: 9596777669، 01932-225870، واٹس ایپ: 9419051940
جموں و کشمیر ٹورسٹ ڈپارٹمنٹ: 8899931010، 8899941010، 9906663868، 9906906115
عوام سے اپیل کی گئی ہے کہ وہ افواہوں پر کان نہ دھریں اور کسی بھی مدد یا معلومات کے لیے ان نمبرز پر فوری رابطہ کریں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
