منگل کو جن سمواد پروگرام کے دوران، دہلی کی وزیر اعلیٰ ریکھا گپتا نے فیس وصولی میں بے ضابطگیوں اور ماڈل ٹاؤن میں واقع ایک پرائیویٹ اسکول سے بچوں کو نکالنے سے متعلق والدین کی شکایات کا سنجیدگی سے نوٹس لیا۔ وزیر اعلیٰ نے معاملے کی فوری تحقیقات کا حکم دیا ہے اور قصورواروں کے خلاف سخت کارروائی کا یقین دلایا ہے۔ سی ایم ریکھا گپتا نے واضح کیا ہے کہ تعلیم کے میدان میں شفافیت، مساوات اور بچوں کے حقوق کے تحفظ کے تئیں حکومت کا عزم غیر متزلزل ہے اور کسی بھی قسم کی بے ضابطگی کو برداشت نہیں کیا جائے گا۔
وزیر اعلیٰ نے سوشل میڈیا پلیٹ فارم ایکس پر ویڈیو پوسٹ کیا
وزیر اعلیٰ ریکھا گپتا نے سوشل میڈیا پلیٹ فارم ایکس پر ایک ویڈیو شیئر کرتے ہوئے لکھا ’’آج (منگل کو) جن سمواد پروگرام کے دوران کوئین میری اسکول، ماڈل ٹاؤن سے متعلق ایک معاملہ سامنے آیا، جس میں بچوں کے والدین نے غلط طریقے سے فیس وصول کرنے اور بچوں کو اسکول سے نکالنے کی شکایت درج کی۔ اس معاملے پر فوری توجہ دیتے ہوئے متعلقہ حکام کو فوری طور پر تحقیقات کے بعد سخت اور ضروری کارروائی کرنے کا حکم دیا گیا ہے۔‘‘
आज जनसंवाद कार्यक्रम के दौरान क्वीन मैरी स्कूल, मॉडल टाउन से संबंधित एक मामला सामने आया, जिसमें बच्चों के परिजनों ने गलत तरीके से फीस वसूली और बच्चों को स्कूल से निकाले जाने की शिकायत दर्ज की।
इस विषय पर तुरंत संज्ञान लेते हुए संबंधित अधिकारियों को तत्काल जांच कर कड़ी और आवश्यक… pic.twitter.com/gVThK6jFTn
— Rekha Gupta (@gupta_rekha) April 15, 2025
وزیر اعلیٰ ریکھا گپتا نے مزید کہا ’’دہلی حکومت تعلیم کے میدان میں شفافیت، مساوی مواقع اور بچوں کے حقوق کے تحفظ کے لیے پوری طرح پرعزم ہے۔ کسی بھی قسم کی ناانصافی، استحصال یا بے ضابطگی کے لیے صفررواداری کی پالیسی اپنائی گئی ہے۔ اس میں کوئی لاپروائی قبول نہیں کی جائے گی۔ ہمارا عزم واضح ہے، ہر بچے کو انصاف، عزت اور معیاری تعلیم ملنی چاہیے۔‘‘
بچوں کے والدین نے کی وزیر اعلیٰ سے شکایت
وزیراعلیٰ کی جانب سے جاری ویڈیو میں طالب علم کے والد کہہ رہے ہیں کہ غیر قانونی فیس نہ دینے کی وجہ سے ہماری بیٹی کو اسکول میں بندھک بنا کر رکھا گیا۔ لڑکی نے اس کی شکایت ہم سے کی۔ اس کے بعد ہم اسکول انتظامیہ کے پاس گئے اور اس معاملے کی شکایت کی، لیکن ان کا رویہ نہیں بدلا۔ آج بھی اسکول سے فون آیا کہ جب آپ فیس ادا نہیں کر سکتے تو اپنے بچے کو اسکول سے لے جائیے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
