وزیر اعظم نریندر مودی کو سری لنکا کی حکومت نے Sri Lanka Mitra Vibhushanaمیڈل سے نوازا ہے۔ یہ اعزاز انہیں دونوں ممالک کے درمیان دوطرفہ تعلقات کو مضبوط بنانے اور مشترکہ ثقافتی اور روحانی ورثے کو فروغ دینے کے لیے ان کی غیر معمولی کوششوں کے لیے دیا گیا۔ یہ سری لنکا کی طرف سے کسی غیر ملکی رہنما کو دیا جانے والا باوقار اعزاز ہے۔
وزیر اعظم مودی کا سرکاری اعزاز کے ساتھ استقبال کیا گیا۔ سوتنترتا چوک پر انہیں گارڈ آف آنر اور 21 توپوں کی سلامی دی گئی۔ یہ ان کا سری لنکا کا چوتھا دورہ تھا۔ اس بار پی ایم مودی کو Sri Lanka Mitra Vibhushanaسے نوازا گیا۔ یہ سری لنکا کی حکومت کا اعلیٰ ترین شہری اعزاز ہے ،جو غیر ملکی معززین کو دیا جاتا ہے جنہوں نے سری لنکا کے ساتھ خصوصی دوستی برقرار رکھی ہے۔
It is a matter of immense pride for me to be conferred the ‘Sri Lanka Mitra Vibhushana’ by President Dissanayake today. This honour is not mine alone – it is a tribute to the 1.4 billion people of India. It symbolises the deep-rooted friendship and historic ties between the… pic.twitter.com/UBQyTMoJ27
— Narendra Modi (@narendramodi) April 5, 2025
سری لنکا کی حکومت کا سب سے بڑا شہری اعزاز حاصل کرنے پر پی ایم مودی نے کہا کہ یہ اعزاز 140 کروڑ ہندوستانیوں کا ہے۔ یہ سری لنکا اور بھارت کے درمیان گہری دوستی اور مشترکہ اقدار کی عکاسی کرتا ہے۔ یہ اعزاز اس بات کی تصدیق کرتا ہے کہ ہندوستان صرف ایک پڑوسی نہیں ہے بلکہ ایک “سچا دوست” ہے۔
اقتصادی اور ترقیاتی تعاون: 10,000 کروڑ روپے کے منصوبے!
بھارت اور سری لنکا کے درمیان نہ صرف سفارتی تعلقات ہیں، بلکہ زمینی سطح پر ترقیاتی منصوبے بھی جاری ہیں۔ وزیر اعظم مودی نے اپنی تقریر میں کئی اہم ترقیاتی منصوبوں کا ذکر کیا۔ انہوں نے کہا کہ ہندوستان سری لنکا کے کسانوں کو براہ راست مدد فراہم کرے گا۔ انہوں نے انڈین اوریجن تمل (IOT) کمیونٹی کے لیے 10,000 کروڑ روپے کی ہاؤسنگ اور سماجی اسکیموں کا اعلان کیا۔ اس کے علاوہ انہوں نے سری لنکا کی حکومت کے ساتھ نئے معاہدے کیے جن میں انفراسٹرکچر، ڈیجیٹل کنیکٹیویٹی اور گرین انرجی جیسے شعبے شامل ہیں۔
بھارت نے سری لنکا کی مدد کی
وزیر اعظم کا سری لنکا کا دورہ ایک ایسے وقت میں ہو رہا ہے، جب جزیرہ نما ملک اقتصادی بحران سے نکلنے کے آثار دکھائی دے رہے ہیں۔ تین سال قبل سری لنکا کو ایک بڑے معاشی بحران کا سامنا تھا اور بھارت نے انہیں 4.5 بلین امریکی ڈالر کی مالی امداد دی تھی۔ پی ایم مودی اور صدر ڈسانائیکے 6 اپریل کو تاریخی شہر انورادھا پورہ جائیں گے، جہاں وہ مہابودھی مندر میں پوجا کریں گے۔ دونوں رہنما انورادھا پورہ میں ہندوستان کی مدد سے بنائے گئے دو پروجیکٹوں کا مشترکہ طور پر افتتاح کریں گے۔
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
