بی جے پی رکن پارلیمنٹ دنیش شرما نے تغلق لین کا نام تبدیل کرکے وویکانند مارگ کا نیم پلیٹ لگا لیا ہے۔
نئی دہلی: دہلی میں ناموں کی تبدیلی کی سیاست شدت اختیارکررہی ہے۔ بی جے پی کے کئی اراکین پارلیمنٹ نے اپنی سرکاری رہائش گاہوں کے نیم پلیٹ میں خود ہی ترمیم کرتے ہوئے تغلق لین کی جگہ سوامی وویکانند مارگ لکھوا لیا۔ اس فہرست میں فرید آباد کے رکن پارلیمنٹ کرشن پال گرجر، راجیہ سبھا کے رکن دنیش شرما اوروائس ایڈمرل کرن دیشمکھ شامل ہیں۔ حالانکہ، ان کی نام کی تختی پرابھی بھی چھوٹے حروف میں تغلق لین درج ہے اورنام کی تبدیلی کا یہ قدم سرکاری سطح پرنہیں بلکہ ذاتی طور پر اٹھایا گیا ہے۔
دہلی میں بی جے پی کی حکومت بننے کے بعد کئی اراکین اسمبلی نے اپنے اپنے علاقے کا نام بدلنے کا مطالبہ کیا تھا۔ نجف گڑھ کا نام بدل کر ناہرگڑھ، مصطفیٰ آباد کالونی کا نام بدل کرشیووہاراورجنوبی دہلی کے محمد پورگاؤں کا نام بدل کرمادھو پورم کرنے کا مطالبہ کیا گیا ہے۔ علاقوں کا نام بدلنے سے متعلق تنازعہ ابھی تھما بھی نہیں تھا۔ یوپی کے راجیہ سبھا رکن پارلیمنٹ اورسابق نائب وزیراعلیٰ دنیش شرما نے نئی دہلی میں اپنے سرکاری مکان کا پتہ خود تبدیل کردیا ہے۔
VIDEO | Delhi: On renaming Tughlaq Lane as Swami Vivekanand Marg, BJP MP Dinesh Sharma (@drdineshbjp) says, “If you look properly, Tughlaq Lane is written on my nameplate but along with that ‘Vivekanand Marg’ is written because in Google, this road is registered as ‘Vivekanand… pic.twitter.com/gwgWmBIFFO
— Press Trust of India (@PTI_News) March 7, 2025
بی جے پی کے راجیہ سبھا رکن دنیش شرما کوتغلق لین میں سرکاری رہائش گاہ الاٹ کی گئی تھی، جہاں انہوں نے حال ہی میں اپنے خاندان کے ساتھ داخلہ لیا۔ انہوں نے اس موقع پراپنے گھرکے باہرلگی نام پلیٹ کی تصاویرسوشل میڈیا پرشیئرکیں، جن میں تغلق لین کے بجائے سوامی وویکانند مارگ لکھا ہوا نظرآ رہا ہے۔ اپنی سوشل میڈیا پوسٹ میں انہوں نے لکھا، ’’آج نئی دہلی کی نئی رہائش، سوامی وویکانند مارگ (تغلق لین) میں رسم ورواج کے ساتھ پوجا کرکے داخل ہوا۔‘‘
#WATCH | लखनऊ: भाजपा के राज्यसभा सांसद दिनेश शर्मा ने कहा, “यह सामान्य प्रक्रिया है कि जब कोई किसी घर में जाता है तो नाम पट्टिका लगा दी जाती है। मैं वहां नहीं गया था, मैंने नहीं देखा था, जब मुझसे उससे संबंधित लोगों ने पूछा कि किस तरह की नाम पट्टिका होनी चाहिए तो मैंने कहा कि… pic.twitter.com/vqkavfnknB
— ANI_HindiNews (@AHindinews) March 7, 2025
واضح رہے کہ دہلی اسمبلی میں بی جے پی اراکین اسمبلی کے ذریعہ دارالحکومت دہلی کے کئی علاقوں میں نام تبدیل کرنے کے مطالبہ کے بعد بی جے پی رکن پارلیمنٹ دنیش شرما کے ذریعہ یہ قدم اٹھایا گیا ہے۔ یہ قدم سیاسی طور پرکافی اہم مانا جا رہا ہے۔ تغلق لین کا نام تبدیل کر کے سوامی وویکا نند مارگ کرکے یہ پیغام دیا کہ وہ تغلق لین نام کوبدلنا چاہتے ہیں۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
