راہل گاندھی نے نئی دہلی ریلوے اسٹیشن پر قلی بھائیوں سے ملاقات کی۔
نئی دہلی: کانگریس رہنما اور لوک سبھا میں اپوزیشن کے لیڈرراہل گاندھی نے یکم مارچ کونئی دہلی ریلوے اسٹیشن پرقلی بھائیوں (پورٹرز) سے بات چیت کی تھی، جس کے بعد آج انہوں نے ٹوئٹ کرکے دعویٰ کیا کہ وہ ان کے حقوق کے لئے پورے دم خم کے ساتھ لڑیں گے۔ راہل گاندھی نئی دہلی ریلوے اسٹیشن پرتقریباً 40 منٹ تک ٹھہرے تھے اوران کے مسائل سنے تھے۔
راہل گاندھی نے ایکس (سابقہ میں ٹوئٹر) پرایک ویڈیوشیئرکیا ہے، جس میں انہوں نے قلی بھائیوں سے بات کی۔ انہوں نے اپنے ٹوئٹ میں لکھا، ’’کسی کسی دن کھانے کے بھی پیسے نہیں ہوتے۔ ہم گھرپرپیسے بھیجیں یا کھائیں۔ ہمارے قلی بھائی ایسی مشکلات میں جینے کو مجبور ہیں۔ نئی دہلی ریلوے اسٹیشن پربھگدڑکے دوران ان لوگوں نے اپنی جان خطرے میں ڈال کر لوگوں کی مدد کی، لیکن ان کی آواز نہیں سنی جا رہی ہے۔ میں ان کے مطالبات کوحکومت کے سامنے رکھوں گا اوران کے حقوق کے لئے پوری طاقت سے لڑوں گا۔
“किसी-किसी दिन खाने के भी पैसे नहीं होते। हम घर पर पैसे भेजें या खाना खाएं।” हमारे कुली भाई ऐसी मुश्किलों में जीने को मजबूर हैं।
नई दिल्ली रेलवे स्टेशन पर भगदड़ के दौरान इन लोगों ने अपनी जान जोख़िम में डालकर लोगों की मदद की, लेकिन इनकी आवाज़ नहीं सुनी जा रही।
मैं इनकी मांगों को… pic.twitter.com/s8YGzoVYE7
— Rahul Gandhi (@RahulGandhi) March 5, 2025
قلعی بھائیوں سے مل کرراہل گاندھی نے کیا کہا؟
راہل گاندھی نے گزشتہ ماہ مچی بھگدڑکے دوران کئی مسافروں کوبچانے میں قلیوں کی کوششوں کی تعریف کی۔ اس بھگدڑ میں 18 افراد کی جان چلی گئی تھی۔ بات چیت کے بعد راہل گاندھی نے کہا تھا،’’اکثرانسانیت کی روشنی سب سے اندھیرے وقت میں سب سے تیزچمکتی ہے۔ نئی دہلی ریلوے اسٹیشن پرمچی بھگدڑکے دوران قلی بھائیوں نے انسانیت کی مثال پیش کی اورکئی مسافروں کی جان بچائی۔ اس کے لئے میں آج ملک کے باشندوں کی طرف سے ان کا شکریہ ادا کرتا ہوں۔‘‘
یہ پہلی بار نہیں تھا جب راہل گاندھی کسی ریلوے اسٹیشن پر گئے ہوں اور مقامی قلی بھائیوں سے بات چیت کی ہو۔ اس سے پہلے 2023 میں بھی کانگریس رکن پارلیمنٹ نے آنند وہارریلوے اسٹیشن کا دورہ کیا تھا۔ ان کے دورے کی خاص بات یہ تھی کہ انہوں نے قلی کی وردی پہنی تھی اورسرپرسامان اٹھایا تھا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
