صنعت اور اندرونی تجارت کے فروغ کے محکمے(ڈی پی آئی آئی ٹی ) نے 16 جنوری کو نیشنل اسٹارٹ اپ ڈے منانے کے لیے ہندوستان میں اسٹارٹ اپس کی کارکردگی سے متعلق ڈیٹا جاری کیا۔پچھلے نو سالوں میں اور 2016 میں اسٹارٹ اپ انڈیا پہل کے آغاز کے بعد سے رجسٹرڈ اسٹارٹ اپس کی تعداد 400 سے بڑھ کر 2024 کے آخر تک 157,000 سے زیادہ ہوگئی ہے۔ڈیڈیکیٹڈ اسٹارٹ اپ پالیسیوں کے ساتھ ریاستوں / مرکز کے زیر انتظام علاقوں کی تعداد 2016 میں 4 سے بڑھ کر 31 ہوگئی ہے۔
فنانسنگ سیکٹر نے بھی اچھی کارکردگی کا مظاہرہ کیا، جو کہ 2016 میں 8 بلین امریکی ڈالر سے بڑھ کر اب 115 بلین امریکی ڈالر پر ہے۔ ڈی پی آئی آئی ٹی کے مطابق ہندوستانی اسٹارٹ اپس کے ذریعہ 1.7 ملین سے زیادہ ملازمتیں پیدا کی گئیں۔ یونیکورنز کی بات کریں تو وہ بھی کئی گنا بڑھ گئے ہیں، 2016 میں 8 سے آج 118 ہو گئے ہیں۔ یونیکورنز بنیادی طور پر ایسے اسٹارٹ اپ ہیں ،جن کی مالیت کم از کم ایک بلین ڈالر ہے اور وہ ابھی تک عوامی تبادلے میں درج نہیں ہیں۔اب ہندوستان کے 750 سے زیادہ اضلاع میں لوگ اسٹارٹ اپ کے بارے میں سوچ رہے ہیں، جب کہ پہلے یہ تعداد 120 تھی۔
وزیر اعظم نریندر مودی کی قیادت والی حکومت نے 16 جنوری 2016 کو اسٹارٹ اپ انڈیا پہل شروع کی جس کا مقصد اسٹارٹ اپس کو فروغ دینے اور ملک کے اسٹارٹ اپ نظام میں سرمایہ کاروں کی حوصلہ افزائی کے لیے ایک مضبوط ماحولیاتی نظام کی تشکیل کرنا ہے۔
اسٹارٹ اپ ایکو سسٹم کو فروغ دینے کے لیے حکومت نے اسکیموں اور مداخلتوں کی شکل میں کئی اقدامات کیے ہیں۔ ان میں اسٹارٹ اپ انڈیا سیڈ فنڈ اسکیم، اسٹارٹ اپس کے لیے فنڈزآف فنڈ، اسٹارٹ اپس کے لیے کریڈٹ گارنٹی اسکیم، 3 سال کے لیے انکم ٹیکس کی چھوٹ، اسٹارٹ اپس کے لیے تیزی سے باہر نکلنا، intellectual property کے تحفظ کے لیے مدد وغیرہ شامل ہیں۔
1 اپریل 2016 کو یا اس کے بعد شامل کردہ اسٹارٹ اپ انکم ٹیکس سے چھوٹ کے لیے درخواست دے سکتے ہیں۔ تسلیم شدہ اسٹارٹ اپ جنہیں بین وزارتی بورڈ کا سرٹیفکیٹ دیا جاتا ہے ان کو انکم ٹیکس سے استثنیٰ دیا جاتا ہے ،جو کہ انکم ٹیکس میں شامل ہونے کے بعد سے 10 سالوں میں سے مسلسل 3 سالوں کے لیے ہے۔
حکومت نے اسٹارٹ اپس کو ‘فاسٹ ٹریک فرموں’ کے طور پر مطلع کیا ہے، جس سے انہیں 90 دنوں کے اندر کام ختم کرنے کی اجازت دی گئی ہے، جب کہ دیگر کمپنیوں کے لیے وقت کی حد 180 دن ہے۔
بھارت ایکسپریس
