ہومی بھابھا کنسرt ہسپتال اینڈ ریسرچ سنٹر، پنجاب نے ای سی آئی ایس ہماچل کے ساتھ کش لسن کنسر کا علاج کے لےے مفاہمت نامے پرکیا دستخط
کینسر کے علاج کی سہولیات تک عام لوگوں کی رسائی کو بڑھانے کی طرف ایک اہم قدم اٹھاتے ہوئے، ہومی بھابھا کینسر ہسپتال اینڈ ریسرچ سینٹر (HBCH&RC)، پنجاب نے ایمپلائز اسٹیٹ انشورنس کارپوریشن (ESIC)، ہماچل پردیش کے ساتھ مفاہمت کی ایک یادداشت (ایم او یو) پر دستخط کیا ہے۔اس معاہدے کے تحت ای ایس آئی سی کارڈ ہولڈرز اور ان کے اہل خانہ کو نیو چنڈی گڑھ اور پنجاب کے سنگرور میں ہومی بھابھا کینسر ہسپتال اور ریسرچ سینٹر کے اسپتالوں میں کیش لیس علاج فراہم کیا جائے گا۔
اس ایم او یو پر ہومی بھابھا کینسر ہسپتال اور ریسرچ سنٹر کے ڈائریکٹر ڈاکٹر اشیش گلیا اور ہماچل پردیش کے ای ایس آئی سی کے ڈپٹی ڈائریکٹر سنجیو کمار نے دستخط کئے۔ ایم او یو پر دستخط کرتے وقت ای ایس آئی سی، ہماچل پردیش کے اسٹیٹ میڈیکل آفیسر، ڈاکٹر پنیت بنوترا اور اسٹیٹ ویجیلنس آفیسر ڈاکٹرامندیپ ہستیر جیسے معززین بھی موجود تھے۔اس تعاون کے بارے میں اپنے جوش کا اظہار کرتے ہوئے، ڈاکٹر آشیش گلیا نے کہاکہ “ESIC ہماچل پردیش کے ساتھ یہ شراکت داری کینسر کی دیکھ بھال کو قابل رسائی اور سستی بنانے کی طرف ایک اہم قدم ہے، ہم ہماچل پردیش میں ESIC سے فائدہ اٹھانے والوں کو کیش لیس علاج کی پیشکش کرنے کے لیے پرجوش ہیں۔
ہومی بھابھا کینسر ہاسپیس اینڈ ریسرچ سنٹر، نیو چندی گڑھ، جو ایس اے ایس نگر، پنجاب میں واقع ہےاور ٹاٹا میموریل سینٹر کا حصہ ہے، جو کینسر کی دیکھ بھال میں بہترین کارکردگی کے لیے جانا جاتا ہے، اس نے بڑے پیمانے پر کینسر کا معیاری علاج فراہم کرنے میں اہم کردار ادا کیا ہے۔ڈاکٹر گلیا نے ہماچل پردیش کے صنعتی مرکز بدی میں مزدوروں کے لیے شراکت کی اہمیت پر بھی روشنی ڈالی، انہوں نے کہا، “اس تعاون سے خاص طور پر بدی کی کام کرنے والی آبادی اور ہماچل پردیش کی وسیع تر صنعتی ورک فورس کو فائدہ پہنچے گا۔ “اس حصے کو اب کینسر کی دیکھ بھال کی ضروری سہولیات تک رسائی حاصل ہوگی۔ایمپلائز اسٹیٹ انشورنس کارپوریشن ہندوستان میں سماجی تحفظ کی ایک جامع اسکیم ہے جو صحت سے متعلق بڑی تعداد میں ہنگامی حالات کے خلاف محنت کش طبقے کے تحفظ اور مدد کو یقینی بناتی ہے۔
بھارت ایکسپریس۔
