عام آدمی پارٹی کے قومی کنوینر اروند کیجریوال
عام آدمی پارٹی نے اعلان کیا ہے کہ عام آدمی پارٹی مہاراشٹر اسمبلی انتخابات نہیں لڑے گی۔ پارٹی کی طرف سے بتایا گیا کہ عام آدمی پارٹی کے قومی کنوینر اروند کیجریوال مہاوکاس اگھاڑی کے امیدواروں کے لیے مہم چلائیں گے۔
عام آدمی پارٹی کے رکن پارلیمنٹ سنجے سنگھ نے اپنے ایکس ہینڈل پر لکھا،”پارٹی کے قومی کنوینر اروند کیجریوال مہاراشٹر کے انتخابات میں ایم وی اے کے امیدواروں کے لیے مہم چلائیں گے۔ عام آدمی پارٹی مہاراشٹر میں الیکشن نہیں لڑے گی۔”
महाराष्ट्र चुनाव में पार्टी के राष्ट्रीय संयोजक @ArvindKejriwal जी MVA प्रत्याशियों के लिए प्रचार करेंगे।@AamAadmiParty महाराष्ट्र में चुनाव नहीं लड़ेगी।
— Sanjay Singh AAP (@SanjayAzadSln) October 26, 2024
تاہم، اس سے قبل یہ بات زوروں پر تھی کہ عام آدمی پارٹی مہاراشٹر میں اسمبلی انتخابات لڑ سکتی ہے۔ اگر رپورٹس پر یقین کیا جائے تو پارٹی ایک سیٹ پر اپنا امیدوار کھڑا کرنے کی منصوبہ بندی کر رہی تھی۔ عام آدمی پارٹی مالابار ہل سے اپنا امیدوار کھڑا کرنے کی منصوبہ بندی کر رہی تھی۔ تاہم اب پارٹی کی جانب سے باضابطہ اعلان کیا گیا ہے کہ وہ مہاراشٹرا انتخابات نہیں لڑے گی۔
بھارت ایکسپریس۔
