آرجے ڈی لیڈر اور سابق وزیر بیما بھارتی کے گھر کی قرقی ہوئی ہے۔
بہارمیں سابق وزیراورراشٹریہ جنتا دل (آرجے ڈی) لیڈربیما بھارتی کے خلاف پولیس نے بڑی کارروائی کی ہے۔ پورنیہ پولیس نے ان کے گھرکی قرقی کی ہے۔ عدالت کے حکم پربیما بھارتی کے خلاف پولیس کی یہ کارروائی بھوانی پورکے مشہورتاجرگوپال یادوکا قتل سانحہ میں کی گئی ہے۔ قتل سانحہ میں پولیس نے بیما بھارتی کے شوہراودھیش منڈل اور بیٹے راجا منڈل کو ملزم بنایا تھا۔ اس میں اودھیش منڈل نے عدالت میں سرینڈرکردیا تھا۔ راجا منڈل ابھی بھی فرارہے۔ ایسے میں پورنیہ پولیس نے قرقی ضبطی کی کارروائی کرنے کے لئے عدالت میں درخواست دی تھی۔ اس کے بعد عدالت کے حکم کے بعد یہ کارروائی ہوئی۔
اس معاملے میں ابھی تک سابق رکن اسمبلی بیما بھارتی کا کوئی بیان نہیں آیا ہے۔ پورنیہ پولیس سپرنٹنڈنٹ کارتکیہ شرما کا کہنا ہے کہ سابق رکن اسمبلی بیما بھارتی کے شوہراوربیٹے کے خلاف وارنٹ جاری ہوا تھا۔ اس میں اودھیش منڈل نے خودسپردگی کی تھی جبکہ بیٹا راجا منڈل ابھی فرار ہے۔ اس کی وجہ سے قرقی-ضبطی کی کارروائی ہوئی ہے۔
بھارت ایکسپریس–
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
