وزیر اعظم نریندر مودی۔ (تصویر: @BJP4India)
وزیراعظم نریندر مودی نے جمعرات کو ‘آدی مہوتسو’ کا افتتاح کرتے ہوئے کہا کہ آدیواسی سماج کا مفاد ان کے لئے انفرادی رشتوں اور جذبات کو موضوع ہے۔ دہلی واقع میجر دھیان چند نیشنل اسٹیڈیم میں 16 سے 27 فروری تک منعقد ‘آدی مہوتسو’ کو وزیراعظم نے تنوع میں اتحاد کی ہندوستانی صلاحیت کوایک نئی اونچائی دیتے ہوئے کہا کہ یہ ترقی اور ورثے کے خیال کو مزید جاندار بنا رہا ہے۔
وزیراعظم مودی نے کہا کہ ‘یہ مہوتسو ترقی اور وراثت کے خیال کو مزید جاندار بنا رہا ہے۔ جو پہلے خود کو دور صدور سمجھتا تھا، اب حکومت اس کے دروازے پر جا رہی ہے۔ اس کو مین اسٹریم میں لا رہی ہے۔ آدیواسی سماج کا مفاد میرے لئے انفرادی رشتوں اور جذبات کا موضوع ہے’۔ وزیراعظم نے کہا کہ مرکزی حکومت محروم طبقات کو ترجیح رے رہی ہے اور یہی وجہ ہے کہ ملک ترقی کے نئے ایام چھو رہا ہے۔
انہوں نے کہا کہ ‘آدیواسی سماج کو لے کر آج ملک جس فخرکے ساتھ آگے بڑھ رہا ہے، ویسا پہلے کبھی نہیں ہوا ہے۔ آج ہندوستان دنیا کے بڑے بڑے اسٹیجوں پر جاتا ہے تو آدیواسی روایت کو اپنی وراثت اور وقار کے طور پر پیش کرتا ہے’۔
Aadi Mahotsav celebrates India’s glorious tribal culture and traditions. https://t.co/fxRFUeH7dG
— Narendra Modi (@narendramodi) February 16, 2023
‘آدی مہوتسو’ قبائلی قبائلی ثقافت، دستکاری، کھانوں، تجارت اور روایتی فنون کو مناتی ہے۔ یہ قبائلی امور کی وزارت کے تحت قبائلی کوآپریٹو مارکیٹنگ ڈیولپمنٹ فیڈریشن آف انڈیا لمیٹڈ کا سالانہ اقدام ہے۔
پروگرام میں ملک بھرمیں قبائلی سماج کے امیراورمتنوع ورثے کی نمائش کی گئی۔ اس کے لئے پنڈال میں 200 سے زائد اسٹالز لگائے گئے ہیں۔ پروگرام کا افتتاح کرنے سے پہلے وزیراعظم نے کئی اسٹالزکا دورہ کیا اور ان کی مصنوعات کو بھی دیکھا۔ میلے میں تقریباً ایک ہزار قبائلی کاریگر حصہ لے رہے ہیں۔
-بھارت ایکسپریس
