مہاراشٹر کے رتناگیری میں نرسنگ طالبہ کو جنسی طور پر کیا گیا ہراساں، علاقے میں کشیدگی کا ماحول؛ سڑکوں پر آئیں نرسیں
Nursing Student Sexual Harassment: مہاراشٹر کے رتناگیری میں نرسنگ طالبہ کو جنسی طور پر ہراساں کرنے کا معاملہ سامنے آیا ہے۔ میڈیا رپورٹس کے مطابق متاثرہ لڑکی بے ہوشی کی حالت میں پائی گئی۔ اس وقت متاثرہ کا سرکاری اسپتال میں علاج چل رہا ہے۔ آپ کو بتاتے چلیں کہ لڑکی کے جسم پر زخموں کے نشانات بھی دیکھے گئے ہیں۔ جنسی ہراسانی کے اس واقعے کے بعد نرسنگ کی طالبات غصے سے بھڑک اٹھیں۔ نرسوں نے اس قابل مذمت واقعہ کے خلاف احتجاج کرتے ہوئے ملزمان کو پھانسی دینے کا مطالبہ بھی کیا ہے۔
بے ہوش پائی گئی نرسنگ کی طالبہ
پولیس کے مطابق نرسنگ کی طالبہ رتناگیری کے چمپک میدان میں بے ہوشی کی حالت میں پائی گئی۔ جس کے بعد متاثرہ لڑکی کو پولیس نے مقامی ضلع اسپتال میں داخل کرایا، جہاں اس کا علاج چل رہا ہے۔ جنسی ہراسانی کے اس واقعہ کے بعد رتناگیری میں مسلسل کشیدگی کا ماحول ہے۔ واقعہ کے خلاف مقامی لوگوں نے مظاہرہ کیا۔ لوگوں نے گورنمنٹ میڈیکل کالج اور ڈسٹرکٹ سول ہسپتال کے سامنے احتجاجی مظاہرہ کیا۔ مظاہرین نے احتجاج کے دوران نعرے بازی کرتے ہوئے ٹریفک بھی بند کر دی۔
Heartbreaking incident in Ratnagiri, Maharashtra.
A 20-year-old nursing student was brutally sexually assaulted, found unconscious and severely injured. pic.twitter.com/Q3YPoi7inQ
— AskClues (@AskClues) August 27, 2024
پولیس سپرنٹنڈنٹ نے مظاہرین سے بات کی
دوسری جانب پولیس نے متاثرہ کے بیان پر مقدمہ درج کر لیا ہے۔ سب ڈویژنل پولیس افسر نیلیش مینکر اور پولیس سپرنٹنڈنٹ مہیش توراسکر نے مظاہرین سے بات کی اور تحقیقات میں کچھ وقت اور تعاون کی درخواست کی۔ پولیس کو کچھ سی سی ٹی وی فوٹیج بھی ملی ہیں۔ واقعے کے حوالے سے پولیس کا کہنا ہے کہ ملزمان کو جلد گرفتار کر لیا جائے گا۔
-بھارت ایکسپریس
