راہل گاندھی کی بڑھ سکتی ہیں مشکلات، جانئے بجٹ اجلاس کے درمیان اچانک کیوں جا رہے ہیں سلطان پور؟
Rahul Gandhi to be the leader of opposition: لوک سبھا انتخابات 2024 کے نتائج کے بعد حکومت کی تشکیل ہو چکی ہے۔ اس کے بعد ایوان میں قائد حزب اختلاف کون ہوگا اس پر مسلسل بحث جاری تھی۔ اب یہ بحث بھی ختم ہو گئی ہے اور اتر پردیش کی رائے بریلی لوک سبھا سیٹ سے رکن پارلیمنٹ اور کانگریس کے تجربہ کار لیڈر راہل گاندھی لوک سبھا میں اپوزیشن کے لیڈر ہوں گے۔ یہ اعلان کانگریس پارٹی کی طرف سے کیا گیا۔
کانگریس جنرل سکریٹری کے سی وینوگوپال نے کہا کہ راہل گاندھی لوک سبھا میں اپوزیشن لیڈر ہوں گے۔ یہ فیصلہ کانگریس کی میٹنگ میں لیا گیا ہے۔ اس سلسلے میں کانگریس پارلیمانی پارٹی کی چیئرپرسن سونیا گاندھی نے پروٹیم اسپیکر کو خط لکھ کر بتایا کہ لوک سبھا میں اپوزیشن لیڈر راہل گاندھی ہوں گے۔ وینوگوپال نے کہا، “عارضی اسپیکر بھرتر ہری مہتاب کو ایک خط لکھا اور راہل گاندھی کو لوک سبھا میں اپوزیشن کا لیڈر مقرر کرنے کے فیصلے سے آگاہ کیا۔” ان کا مزید کہنا تھا کہ ’دیگر عہدیداروں کے بارے میں فیصلہ بعد میں کیا جائے گا۔
#WATCH | Congress general secretary KC Venugopal says “Congress MP Rahul Gandhi has been appointed as the LoP in the Lok Sabha..” pic.twitter.com/llhssszwAV
— ANI (@ANI) June 25, 2024
راہل کو اپوزیشن لیڈر بنانے کیلئے پاس ہوئی تجویز
یہ فیصلہ 18ویں لوک سبھا کے اسپیکر کے عہدے کے لیے حکمراں پارٹی اور اپوزیشن کے درمیان ہونے والی رسہ کشی کے دوران آیا ہے۔ بی جے پی نے اوم برلا کو اس عہدے کا امیدوار بنایا ہے جبکہ کانگریس نے کے سریش کو امیدوار بنایا ہے۔ اس سے قبل 9 جون کو کانگریس ورکنگ کمیٹی (سی ڈبلیو سی) نے راہل گاندھی کو لوک سبھا میں اپوزیشن لیڈر مقرر کرنے کی تجویز پاس کی تھی۔ سی ڈبلیو سی میٹنگ کے بعد راہل گاندھی نے کہا تھا کہ انہیں اس بارے میں سوچنے کے لیے کچھ وقت درکار ہے، اس کے بعد ہی کوئی فیصلہ کیا جائے گا۔
بتا دیں کہ کانگریس نے 2024 کے لوک سبھا انتخابات میں اپنی سیٹوں کی تعداد 2019 میں 52 سے بڑھا کر 99 کر دی ہے۔ 2014 کے انتخابات میں پارٹی صرف 44 سیٹیں جیتنے میں کامیاب ہوئی تھی۔
بھارت ایکسپریس۔
