اب سے تھوڑی دیر بعد نریندر مودی ملک کے وزیراعظم کے بطور تیسری بار حلف اٹھائیں گے اور ان کے ساتھ قریب 60 سے زائد اراکین پارلیمنٹ کو بھی حلف دلایا جائے گا، مہمانوں کی آمد کا سلسلہ جاری ہے وہیں ان رہنماوں کو بھی اسٹیج پر دیکھا جارہا ہے جنہیں مودی کی نئی حکومت میں کابینہ وزیر بنایا جانا ہے۔ بہار سے جتن رام مانجھی، للن سنگھ ،نتنانند رائے اور چراغ پاسوان کو اسٹیج پر دیکھا جارہا ہے۔ وہیں امت شاہ،دھرمیندر پردھان، نرملا سیتارمن ،منوہر لال کھٹر، جیوتی رادتیہ سندھیا سمیت بیشتر لیڈران اسٹیج پر پہنچ چکے ہیں ۔ اب قریب قریب تمام مہمان راشٹرپتی بھون پہنچ چکے ہیں ،صرف نریندر مودی ،جے پی نڈا اور راجناتھ سنگھ کا انتظار ہورہا ہے۔ ان کے آنے کے ساتھ ہی صدر جمہوریہ کا قافلہ پہنچے گا اور حلف برداری کی تقریب شروع ہوجائے گی۔
#WATCH | Delhi: LJP (Ram Vilas) chief Chirag Paswan says, “Today is a big day for me, I am going to get a big responsibility… PM Modi’s trust in me matters a lot to me…I will try to live up to the expectations of the people with all my hard work and potential.” pic.twitter.com/DGZzyliaec
— ANI (@ANI) June 9, 2024
واضح رہے کہ نریندر مودی آج (9 جون) کو تیسری بار وزیر اعظم کے عہدے کا حلف لیں گے۔ جیسے ہی مودی مسلسل تیسری بار وزیر اعظم کے عہدے کا حلف لیں گے، وہ سابق وزیر اعظم پنڈت جواہر لال نہرو کے ریکارڈ کی برابری کر لیں گے۔ نہرو واحد وزیر اعظم ہیں جو ملک کی آزادی کے بعد مسلسل تین انتخابات کے بعد بھی اپنے عہدے پر فائز رہے۔
#WATCH | The stage is set for the oath ceremony of PM-designate Narendra Modi at Rashtrapati Bhavan in Delhi pic.twitter.com/0Js4STKpSP
— ANI (@ANI) June 9, 2024
دراصل، بی جے پی لوک سبھا انتخابات 2024 میں قطعی اکثریت حاصل نہیں کر سکی، لیکن این ڈی اے اتحاد کو 293 سیٹیں ملی ہیں، جو کہ اکثریتی تعداد سے زیادہ ہے۔ جمعہ (7 جون) کو این ڈی اے کی پارلیمانی پارٹی کی میٹنگ ہوئی، جس میں نریندر مودی کے نام پر متفقہ اتفاق ہوا۔ دریں اثنا، بی جے پی قیادت اور اتحادیوں کے درمیان نئی حکومت میں این ڈی اے کی مختلف اتحادی جماعتوں کے درمیان وزراء کونسل میں حصہ داری کے بارے میں ایک میٹنگ بھی ہوئی۔
#WATCH | BJP leader Hardeep Singh Puri arrives at the Rashtrapati Bhavan for the oath ceremony.
PM-designate Narendra Modi is set to take oath for the third term at 7.15 pm at the Forecourt of Rashtrapati Bhavan today. pic.twitter.com/wRPO6Hv30p
— ANI (@ANI) June 9, 2024
خیال کیا جا رہا ہے کہ ہوم، فائننس، دفاع اور خارجہ جیسے اہم محکموں کے علاوہ تعلیم اور ثقافت جیسی دو مضبوط وزارتیں بی جے پی کے پاس رہیں گی، جب کہ اس کے اتحادیوں کو پانچ سے آٹھ کابینہ عہدے مل سکتے ہیں۔ حکومت نے ہفتے کے روز اعلان کیا ہے کہ بنگلہ دیش، سری لنکا، نیپال، بھوٹان، مالدیپ اور ماریشس سمیت کئی پڑوسی ممالک کے رہنما حلف برداری کی تقریب میں شرکت کریں گے۔ حلف برداری کی تقریب اتوار کو شام 7.15 بجے راشٹرپتی بھون میں مقرر ہے۔
بھارت ایکسپریس۔
