ماں باپ، بھائی بھابھی، بیوی اور بچے کو کلہاڑی سے بے دردی سے کیاقتل ، خود کو لگائی پھانسی
مدھیہ پردیش کے چھندواڑہ ضلع میں اجتماعی قتل کا لرزہ خیز معاملہ سامنے آیا ہے۔ ضلع کی آخری سرحد پر واقع قبائلی اکثریتی علاقے مہولجھیر تھانے کے تحت گاؤں بودلکچار میں ایک قبائلی خاندان کے 8 افراد کو اجتماعی قتل کر دیا گیا۔ بیٹے نے کلہاڑی سے کاٹ کر سب کو قتل کر دیا۔ اس کے بعد اس نے پھانسی لگا کر خودکشی بھی کرلی۔
بیٹے کی جانب سے کیے گئے اس ہولناک قتل کی وجہ تاحال سامنے نہیں آسکی۔ ذرائع سے موصول ہونے والی معلومات کے مطابق قبائلی خاندان کے نوجوان نے اپنے والدین، بیوی، بچے اور بھائی سمیت خاندان کے 8 افراد کو کلہاڑی سے کاٹ کر قتل کر دیا۔ قتل کے بعد اس نے خود کو بھی پھانسی لگالی۔
رات 2 بجے ایک خوفناک قتل ہوا
یہ واقعہ منگل کی دیر رات 2-3 بجے کا بتایا جاتا ہے۔ مہولجھیر پولیس نے موقع پر پہنچ کر پورے گاؤں کو سیل کر دیا ہے۔ چھندواڑہ کے پولیس سپرنٹنڈنٹ موقع پر روانہ ہو گئے ہیں۔ مزید معلومات کا ابھی انتظار ہے۔ فی الحال پولیس معاملے کی جانچ میں مصروف ہے۔
بھارت ایکسپریس
