شاہ رخ خان نے آئی پی ایل میں جیت کے بعد معافی مانگی۔ (Image Source :X (Twitter)
Shah Rukh Khan Apologises With Folded Hands: کولکاتا نائٹ رائیڈرس آئی پی ایل 2024 کے فائنل میں پہنچنے والی پہلی ٹیم بنی۔ شرے یس ایئرکی کپتانی والی کولکاتا نائٹ رائیڈرس نے سن رائزرس حیدرآباد کو پہلے کوالیفائرمیں ہراکرفائنل کا ٹکٹ کٹوایا۔ کولکاتا نائٹ رائیڈرس (کے کے آر) اورحیدرآباد کے درمیان مقابلہ احمدآباد کے نریندرمودی اسٹیڈیم میں کھیلا گیا تھا۔ میچ میں کولکاتا نائٹ رائیڈرس کی جیت کے بعد ٹیم کے شریک مالک شاہ رخ خان نے ہاتھ جوڑکرمعافی مانگی، جس کا ویڈیوسوشل میڈیا پرتیزی سے وائرل ہو رہا ہے۔ توآئیے جانتے ہیں کہ پورا معاملہ کیا ہے۔
دراصل، میچ کے بعد شاہ رخ خان، ان کی بیٹی سہانا خان اوربیٹے ابراہم خان نے میدان کا چکرلگا کرفینس کا شکریہ ادا کیا۔ اسی دوران شاہ رخ خان غلطی سے لائیوشوکے درمیان میں آگئے، جسے سابق ہندوستانی کرکٹر آکاش چوپڑا، پارتھیو پٹیل اورسریش رینا کررہے تھے۔ شاہ رخ خان لائیوشوکررہے سابق ہندوستانی کرکٹرکودیکھ نہیں پائے اورغلطی سے بیچ میں آگئے۔
He’s an absolute legend. Lots of love and respect ✊ https://t.co/5AmR58xYW0
— Aakash Chopra (@cricketaakash) May 21, 2024
تاہم جیسے ہی کنگ خان کواس بات کا احساس ہوا کہ وہ لائیوشوکے درمیان بیچ میں آگئے، فوراً انہوں نے معافی مانگی۔ شاہ رخ خان شوکررہے تینوں کرکٹروں سے گلے لگے اورجاتے جاتے ایک بارپھرہاتھ جوڑکرسوری بولا۔ اس کے بعد آکاش چوپڑا نے بتایا کہ شاہ رخ خان غلطی سے بیچ میں آگئے تھے اورانہوں نے معافی مانگی، لیکن ہم نے ان سے کہا کہ آپ نے ہمارا دن بنا دیا۔ شاہ رخ خان کا یہ انداز فینس کو خوب پسند آیا۔ آکاش چوپڑا نے اس وائرل ویڈیو کا رپلائی کرتے ہوئے ایکس پرلکھا، “وہ ظاہری طورپر لیجنڈ ہیں۔ بہت سارا پیار اور عزت”
Shah Rukh Khan warmly greeted Suresh Raina, Parthiv Patel and Aakash Chopra and said sorry because he couldn’t see them earlier. How can you not love him 🥹💜 #ShahRukhKhan #SureshRaina #ParthivPatel #AakashChopra #KKRvsSRH #Kolkota #KKR pic.twitter.com/ByYsn9WiZ5
— Rajesh Kumar Reddy E V (@rajeshreddyega) May 21, 2024
اس طرح میچ جیت گیا کے کے آر
نریندرمودی اسٹیڈیم میں کھیلے گئے مقابلے میں حیدرآباد نے ٹاس جیت کربلے بازی کرنے کا فیصلہ کیا، لیکن ان کا فیصلہ پوری طرح غلط ثابت ہوا کیونکہ ٹیم 19.3 اوورمیں 159 رنوں کے اسکورپرآل آؤٹ ہوگئی تھی۔ ٹیم کے لئے راہل ترپاٹھی نے سب سے بڑی اننگ کھیلتے ہوئے 35 گیندوں میں 7 چوکے اور ایک چھکے کی مدد سے 55 رن بنائے تھے۔ ٹیم کے کل 4 بلے باز بغیرکھاتہ کھولے پویلین لوٹے تھے۔ پھرہدف کا تعاقب کرتے ہوئے کولکاتا نے 13.4 اوور میں جیت درج کرلی تھی۔ ٹیم کے لئے کپتان شرے یس ایئرنے 24 گیندوں میں 5 چوکے اور4 چھکے کی مدد سے ناٹ آؤٹ 58 رنوں کی سب سے بڑی اننگ کھیلی تھی۔ اس کے علاوہ وینکٹیش ایئرنے 28 گیندوں میں 5 چوکے اور4 چھکے لگاکر ناٹ آؤٹ 51 رن بنائے تھے۔
بھارت ایکسپریس۔
