پنجاب اسمبلی انتخابات میں راہل گاندھی اور ملیکارجن کھڑگے ہی ہوں گے کانگریس کا چہرہ، اختلافات کے درمیان کے سی وینوگوپال نے کیا یہ بڑا اعلان
کانگریس جنرل سکریٹری کے سی وینوگوپال نے پنجاب کی موجودہ صورت حال سے متعلق عام آدمی پارٹی کی حکومت کو نشانہ بنایا۔ انہوں نے الزام لگایا کہ ریاست میں امن وقانون کی صورت حال خراب ہوگئی ہے اور منشیات کا کاروبار کرنے والے مافیا نے اپنے قدم جما لئے ہیں۔ انہوں نے کہا کہ پنجاب کئی سماجی برائیوں کا سامنا کر رہا ہے، جنہیں ختم کرنے کی ضرورت ہے۔ کانگریس ریاست کوان مسائل سے نجات دلانے اور دوبارہ اقتدارمیں آنے کے مقصد سے انتخابی میدان میں اترے گی۔ پنجاب میں 4 نومبر سے کانگریس کا انتخابی مہم شروع ہوگی اور راہل گاندھی پنجاب میں بڑی ریلی کریں گے۔
