Bharat Express DD Free Dish

Dr. Farooq Abdullah

فاروق عبداللہ نے کہا کہ پارٹی قیادت نے ناراض لیڈروں سے بات چیت کی ہے اور ان کے مسائل کو سنجیدگی سے سنا گیا ہے۔ ان کے مطابق اراکین اسمبلی کی شکایات جائز تھیں اور ان پر مناسب توجہ دی گئی ہے۔ کچھ معاملات میں جلد اقدامات کیے جائیں گے، جبکہ دیگر مسائل کو مرحلہ وار حل کیا جائے گا۔انہوں نے پارٹی میں پھوٹ کی خبروں کو مسترد کرتے ہوئے کہا کہ یہ غلط تاثر پھیلایا جا رہا ہے کہ نیشنل کانفرنس تقسیم ہو گئی ہے۔

آغا روح اللہ کا کہنا ہے کہ جن موضوعات سے متعلق عوام سے حمایت مانگی گئی تھی، انہیں اب پیچھے چھوڑ دیا گیا ہے۔ اسی ناراضگی کے سبب انہوں نے پارٹی اور رکنیت دونوں سے استعفیٰ دینے کا فیصلہ کیا ہے۔ آغا روح اللہ کا نیشنل کانفرنس سے تقریباً 24 سال پرانا رشتہ رہا ہے۔ وہ 2024 کے لوک سبھا اورجموں وکشمیراسمبلی الیکشن کے دوران پارٹی کے اہم چہروں میں شامل تھے۔

سری نگر سے نیشنل کانفرنس کے رکن پارلیمنٹ آغا سید روح اللہ مہدی نے پارٹی قیادت سے بڑھتے اختلافات کے درمیان لوک سبھا اور نیشنل کانفرنس کی رکنیت سے استعفیٰ دینے کا اعلان کیا ہے۔ انہوں نے کہا ہے کہ وہ نومبر میں اپنا استعفیٰ پیش کریں گے۔ ان کے اس اعلان کے بعد نیشنل کانفرنس اور جموں و کشمیر کی سیاست میں ایک نئی بحث شروع ہوگئی ہے۔ آغا سید روح اللہ اپنے بے باک اور دوٹوک بیانات کے لیے جانے جاتے ہیں۔

فاروق عبداللہ نے کہا کہ صرف آن لائن نظام یا وقتی اقدامات سے مسائل حل نہیں ہوں گے، بلکہ حکومت کو مضبوط معاشی حکمت عملی تیار کرنی ہوگی۔ ان کے مطابق عالمی سطح پر جاری تنازعات کا براہ راست اثر بھارت کی معیشت، تجارت اور عوامی زندگی پر پڑ رہا ہے۔ انہوں نے خدشہ ظاہر کیا کہ اگر امریکہ اور ایران کے درمیان لڑائی بند نہ ہوئی تو آنے والے دنوں میں حالات مزید خراب ہو سکتے ہیں۔

جموں و کشمیر نیشنل کانفرنس کے صدر فاروق عبداللہ نے ملک کی مختلف ریاستوں میں ہونے والے اسمبلی انتخابات کے نتائج سے قبل اہم سیاسی پیش گوئی کرتے ہوئے کہا ہے کہ مغربی بنگال میں ممتا بنرجی، کیرلم میں کانگریس اور تمل ناڈو میں ایم کے اسٹالن کامیابی حاصل کریں گے۔

آئی۔ ایم۔ سی۔ آر نے حکومت سے مطالبہ کیا کہ اس واقعہ کی اعلیٰ سطحی، شفاف اور غیر جانبدارانہ تحقیقات کرائی جائیں اور اس حملے کے ذمہ دار عناصر کو فوری طور پر قانون کے کٹہرے میں لایا جائے۔

جموں و کشمیر کے نائب وزیر اعلیٰ سریندر چودھری اور فاروق عبداللہ ایک تقریب میں شرکت کے لیے پہنچے تھے، اسی دوران فائرنگ کی آواز سنائی دی۔ خوش قسمتی سے دونوں لیڈران اس واقعے میں محفوظ رہے۔

فاروق عبداللہ منگل کے روز جموں میں نیشنل کانفرنس کے بلاک صدور کے اجلاس سے خطاب کر رہے تھے۔ اس موقع پر انہوں نے کہا کہ پارٹی قیادت بلاک سطح کے کارکنان اور عہدیداروں کی باتیں سن رہی ہے، ان کے مسائل سے آگاہ ہو رہی ہے اور تنظیم کو مزید مضبوط بنانے کے طریقوں پر غور کیا جا رہا ہے۔

ان واقعات سے پیدا ہونے والے بے چینی کے ماحول پر تشویش کا اظہار کرتے ہوئے انہوں نے کہا کہ اس طرح کی مجرمانہ کارروائیوں کو انجام دینے والے بہت کم ہیں اور وہ جموں و کشمیر کے لوگوں کی نمائندگی نہیں کرتے ہیں۔