ہندوستان اور انگلینڈ کے درمیان لیڈس کے ہینڈنگلے گراؤنڈ پر جمعہ کے روز پانچ ٹیسٹ میچوں کی سیریز کا آغاز ہوا۔ پہلے دن ہندوستانی بلے بازوں نے شاندار کھیل کا مظاہرہ کرتے ہوئے ٹیم انڈیا کو مضبوط پوزیشن میں پہنچا دیا۔ یشسوی جیسوال اور نئے کپتان شبھمن گل کی شاندار سنچری اور رشبھ پنت کی نصف سنچری کی بدولت دن کا کھیل ختم ہونے تک ہندوستانی ٹیم نے صرف 3 وکٹ کے نقصان پر 359 رن بنا لیے ہیں۔ شبھمن 127 رن اور رشبھ 65 رن بنا کر ناٹ آؤٹ ہیں۔
انگلینڈ نے ٹاس جیتنے کے بعد ہندوستان کو پہلے بازی کی دعوت دی
اس سے پہلے انگلینڈ نے ٹاس جیتنے کے بعد ہندوستان کو پہلے بازی کی دعوت دی۔ کے ایل راہل اور یشسوی جیسوال نے پہلے وکٹ کے لیے 91 رن جوڑتے ہوئے ٹیم کو شاندار شروعات دی۔ راہل نے 42 رن بنائے۔ اس کے بعد بلے بازی کرنے آئے اپنا پہلا ٹیسٹ کھیل رہے سائیں سدرشن نے مایوس کیا اور وہ اپنا کھاتہ بھی نہیں کھول سکے۔ 91 رنوں پر 2 وکٹ گرنے کے بعد میدان پر پہنچے کپتان شبھمن گل نے جیسوال کا خوب ساتھ دیا اور دوسرے وکٹ کے لیے 129 رن جوڑ کر ٹیم انڈیا کو کافی مضبوط حالت میں پہنچا دیا۔
Stumps on the opening day of the 1st Test!
An excellent day with the bat as #TeamIndia reach 359/3 🙌
Captain Shubman Gill (127*) and Vice-captain Rishabh Pant (65*) at the crease 🤝
Scorecard ▶️ https://t.co/CuzAEnBkyu#ENGvIND pic.twitter.com/kMTaCwYkYo
— BCCI (@BCCI) June 20, 2025
یشسوی جیسوال نے 101 رن کی بہترین اننگز کھیلی
اس دوران جیسوال نے انگلینڈ کی سرزمین پر اپنی پہلی ہی پاری میں سنچری بنانے کا اعزاز حاصل کیا۔ انہوں نے 159 گیندوں میں 16 چوکوں اور ایک چھکے کی مدد سے بہترین 101 رن بنائے۔ یہ ان کی پانچویں ٹیسٹ سنچری تھی۔ یشسوی کو آؤٹ کرکے بین اسٹوکس نے ٹیم انڈیا کو تیسرا جھٹکا دیا۔
گل نے شاندار بلے بازی کرتے ہوئے اپنی سنچری مکمل کی
تیسرا وکٹ گرنے کے بعد کپتان کا ساتھ دینے کے لیے نائب کپتان رشبھ پنت میدان میں اترے۔ اس کے بعد دونوں بلے بازوں نے شاندار بلے بازی کرتے ہوئے انگلینڈ کے گیندبازوں کو بُری طرح پست کر دیا۔ گل نے تابڑ توڑ بلے بازی کرتے ہوئے اپنی سنچری مکمل کی اور کھیل ختم ہونے تک وہ 175 گیندوں پر 16 چوکوں اور ایک چھکے کی مدد سے 138 رن بنا کر کریز پر موجود تھے۔ وہیں رشبھ پنت نے بھی اپنے کھیل سے شائقین کی خوب تفریح کی اور صرف 102 گیند میں 65 رن بنا دیے۔ اپنی اننگز میں انہوں نے 6 چوکے اور 2 چھکے لگائے۔
گل اور پنت نے چوتھے وکٹ کے لیے بغیر آؤٹ ہوئے 138 رن جوڑے
دن کا کھیل ختم ہونے تک گل اور پنت چوتھے وکٹ کے لیے بغیر آؤٹ ہوئے 138 رن جوڑ چکے ہیں۔ اس طرح ٹیم انڈیا نے پہلے دن تیز بلے بازی کا مظاہرہ کرتے ہوئے 85 اووروں میں 4.22 کے رن ریٹ سے 3 وکٹ کے نقصان پر 359 رنوں کا بڑا اسکور بنا لیا۔ انگلینڈ کی گیندبازی کی بات کی جائے تو پورے دن وہ پھیکی نظر آئی۔ سب سے زیادہ 2 وکٹ بین اسٹوکس نے اور ایک وکٹ برائیڈن کرس نے لیے۔ میزبان ٹیم کو ہندوستان کے خلاف جمی اینڈرسن کی کمی خوب کھلی۔
ایسا تیسری بار ہوا جب دو بلے بازوں نے پہلے ہی دن سنچری بنائی
ریکارڈ کی بات کی جائے تو ٹیسٹ کرکٹ میں ایسا تیسرا موقع رہا جب کسی دورے کے پہلے دن ٹیم انڈیا کے دو بلے بازوں نے سنچری بنائی۔ سب سے پہلے 2021 میں جنوبی افریقہ کے خلاف بلوم فونٹین میں ایسا دیکھنے کو ملا تھا۔ تب سچن تندولکر اور وریندر سہواگ سنچری بنانے میں کامیاب ہوئے تھے، پھر 2017 میں سری لنکا دورے کے دوران شکھر دھون اور چیتیشور پجارا نے سنچری اننگز کھیلی تھی۔ اس کے علاوہ یہ پانچواں موقع تھا جب ٹیم انڈیا نے کسی دورے کے شروعاتی دن 300 سے زیادہ رنوں کا اسکور کیا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
