انگلینڈ کے اسپنر عادل رشید۔
ممبئی: انگلینڈ کے اسپنر عادل رشید ٹی20 بین الاقوامی کرکٹ میں کسی ایک فل ممبر ملک کے خلاف سب سے زیادہ ٹی20 وکٹیں حاصل کرنے والے گیند باز بن گئے ہیں۔ رشید اب تک ویسٹ انڈیز کے خلاف ٹی20 کرکٹ میں 42 وکٹیں لے چکے ہیں۔
بدھ کے روز ٹی20 ورلڈ کپ 2026 کے 15ویں میچ میں عادل رشید نے ویسٹ انڈیز کے روسٹن چیز کی وکٹ لے کر اس فہرست میں پاکستان کے حارث رؤف کو پیچھے چھوڑ دیا، جنہوں نے نیوزی لینڈ کے خلاف 40 وکٹیں حاصل کیے ہیں۔ دوسری جانب نیوزی لینڈ کے ٹِم ساؤتھی پاکستان کے خلاف 38 وکٹوں کے ساتھ تیسرے نمبر پر ہیں، جبکہ پاکستان کے فاسٹ باؤلر شاہین آفریدی نیوزی لینڈ کے خلاف 35 وکٹوں کے ساتھ اس فہرست میں چوتھے مقام پر موجود ہیں۔
عادل رشید اپنے کیریئر میں 400 ٹی20 وکٹیں مکمل کرنے والے دوسرے انگلش گیند باز بھی بن گئے ہیں۔ ان کے نام اب ٹی20 کرکٹ میں 401 وکٹیں درج ہیں۔ اس معاملے میں ان سے آگے صرف کرس جارڈن ہیں، جنہوں نے 446 وکٹیں حاصل کیے ہیں۔
بدھ کو وانکھیڑے اسٹیڈیم میں ٹاس ہار کر پہلے بیٹنگ کرتے ہوئے ویسٹ انڈیز کی ٹیم نے 6 وکٹوں کے نقصان پر 196 رنز بنائے۔ ٹیم نے صرف 8 کے اسکور پر کپتان شائی ہوپ (0) اور برینڈن کنگ (1) کی صورت میں دونوں اوپنرز کی وکٹیں گنوا دیے تھے۔
اس کے بعد روسٹن چیز نے شمرون ہیٹمائر کے ساتھ تیسری وکٹ کے لیے 28 گیندوں میں 47 رنز کی شراکت قائم کر کے ٹیم کو سنبھالا۔ ہیٹمائر 12 گیندوں میں 2 چھکوں اور اتنے ہی چوکوں کی مدد سے 23 رنز بنا کر آؤٹ ہوئے۔ اس کے بعد روسٹن چیز نے شرفین ردرفورڈ کے ساتھ چوتھی وکٹ کے لیے 22 رنز جوڑے۔ چیز 29 گیندوں میں 34 رنز بنا کر آؤٹ ہوئے۔
اس کے بعد ردرفورڈ نے روومین پاول کے ساتھ 29 گیندوں میں 51 رنز، جبکہ جیسن ہولڈر کے ساتھ چھٹی وکٹ کے لیے 32 گیندوں میں 61 رنز کی شراکت کر کے ٹیم کو بڑے اسکور تک پہنچایا۔
ردرفورڈ 42 گیندوں میں 76 رنز بنا کر ناٹ آؤٹ رہے، جس میں 7 چھکے اور 2 چوکے شامل تھے، جبکہ جیسن ہولڈر نے 17 گیندوں میں 5 باؤنڈریز کی مدد سے 33 رنز اسکور کیے۔ انگلینڈ کی جانب سے جیمی اوورٹن اور عادل رشید نے 2-2 وکٹیں حاصل کیے، جبکہ جوفرا آرچر اور سیم کرن کو ایک ایک کامیابی ملی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
