انڈیا چیمپیئنز اور پاکستان چیمپیئنز کے درمیان “ورلڈ چیمپیئن شپ آف لیجنڈز 2025 (WCL)” کا طویل انتظار کیا جانے والا مقابلہ منسوخ کر دیا گیا ہے۔ یہ میچ اتوار کی رات 9 بجے (بھارتی وقت کے مطابق) ایجبیسٹن کرکٹ گراؤنڈ میں کھیلا جانا تھا، لیکن کچھ کھلاڑیوں نے اس میچ میں کھیلنے سے صاف انکار کر دیا۔ اس سے قبل شکھر دھون، ہربھجن سنگھ، سریش رینااور یوسف پٹھان نے بھی اس چیمپیئن شپ میں کھیلنے سے انکار کر دیا تھا۔ شکھر دھون نے کہا تھا کہ “ملک سب سے پہلے ہے، ملک سے بڑا کچھ بھی نہیں۔”
WCL نے معافی مانگی
WCL نے اس میچ کے حوالے سے ایک بیان جاری کرتے ہوئے کہا:”ہم WCL میں ہمیشہ کرکٹ سے محبت کرتے آئے ہیں۔ ہمارا واحد مقصد کھیل کے شائقین کو خوشگوار اور یادگار لمحے دینا رہا ہے۔ جب ہمیں یہ معلوم ہوا کہ اس سال پاکستان کی ہاکی ٹیم بھارت آ رہی ہے، اور حال ہی میں بھارت-پاکستان کی والی بال مقابلوں سمیت دیگر کھیلوں میں دونوں ممالک کے درمیان میچز ہو رہے ہیں، تو ہم نے سوچا کہ WCL میں بھی بھارت اور پاکستان کے درمیان میچ کروا کر ایک مثبت یاد عوام کو دی جا سکتی ہے۔ لیکن ہو سکتا ہے کہ اس عمل میں ہم نے انجانے میں کچھ لوگوں کے جذبات کو ٹھیس پہنچائی ہو۔”
بیان میں مزید کہا گیا:”ہم نے انجانے میں بھارت کے ان عظیم کرکٹرز کو پریشان کر دیا جنہوں نے ملک کا نام روشن کیا ہے۔ اسی لیے ہم نے فیصلہ کیا ہے کہ بھارت اور پاکستان کے میچ کو منسوخ کر دیا جائے۔ ہم معذرت خواہ ہیں کہ ہماری کسی بھی کوشش سے کسی کے جذبات کو ٹھیس پہنچی۔ امید ہے آپ ہماری نیت کو سمجھیں گے۔”
شکھر دھون بولے – ملک سے بڑھ کر کچھ نہیں
شکھر دھون نے ٹورنامنٹ کے منتظمین کو ایک ای میل بھیجا تھا جس میں انہوں نے خود کو ٹورنامنٹ سے الگ کرنے کی بات کی تھی۔ انہوں نے ایکس پر پوسٹ کیا:”جو قدم میں نے 11 مئی کو اٹھایا تھا، آج بھی اس پر قائم ہوں۔ میرے لیے میرا ملک سب کچھ ہے، اور ملک سے بڑھ کر کچھ بھی نہیں۔”
EaseMyTrip نے بھی وضاحت جاری کی
دوسری جانب EaseMyTrip نے بھی WCL کی اسپانسرشپ کے حوالے سے ایک باضابطہ بیان جاری کیا۔ کمپنی نے اپنے مؤقف کی وضاحت کرتے ہوئے کہا کہ اگرچہ دو سال پہلے WCL کے ساتھ 5 سالہ اسپانسرشپ معاہدہ کیا گیا تھا، لیکن وہ کسی ایسے میچ میں نہ شامل ہوگی اور نہ ہی اس کی حمایت کرے گی جس میں پاکستان شامل ہو۔ ٹریول ٹیک پلیٹ فارم نے زور دے کر کہا کہ اس کا مؤقف ہمیشہ واضح رہا ہے۔ EaseMyTrip بھارتی چیمپیئنز کی حمایت کرتا ہے اور ان کے ساتھ مکمل طور پر کھڑا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
