RCB 262 رنز بنانے کے بعد بھی ہار گیا، SRH نے تاریخی میچ میں 25 رنز سے حاصل کی کامیابی، میچ میں بنے 549 رنز
آئی پی ایل 2024 کا 30 واں میچ رائل چیلنجرزبنگلوراورسن رائزرزحیدرآباد کے درمیان کھیلا جائے گا۔ یہ مقابلہ بنگلورو کے ایم چناسوامی اسٹیڈیم میں ہوگا۔ بنگلورو کی ٹیم ٹورنامنٹ میں اب تک انتہائی خراب پوزیشن میں نظر آئی ہے۔ دوسری جانب حیدرآباد نے اچھی کارکردگی کا مظاہرہ کیا ہے۔ جس کے بعد وہ پوائنٹس ٹیبل میں چوتھے نمبرپر ہے۔
دونوں کے درمیان میچ شام ساڑھے سات بجے شروع ہوگا۔ دونوں ٹیمیں کس پلیئنگ الیون کے ساتھ میچ میں اتریں گی؟ یہ ایک بڑا سوال ہے۔ اس لیے ہم آپ کو دونوں کے درمیان میچ کے لیے پلیئنگ الیون پچ اور موسم کی رپورٹ سمیت سب کئی دیگر معلومات فراہم کریں گے۔
پچ رپورٹ
اس سیزن میں بنگلورو کے ایم چناسوامی اسٹیڈیم کی پچ کا رخ بدلتا رہا ہے۔ یہاں کی پچ میں دوہری رفتار دیکھی گئی ہے۔جو بلے بازوں کوپریشانی میں ڈال دیتی ہے۔ اس کے علاوہ پہلے بیٹنگ کرنے والی ٹیمیں 200 کے قریب بھی نہیں پہنچ پا رہی ہیں۔ لیکن یہاں بعد میں بیٹنگ کرنا بہت آسان ہو جاتا ہے۔ ایسے میں آج ٹاس جیتنے والا کپتان پہلے فیلڈنگ کو ترجیح دے گا۔
موسم کا حال
کیا بنگلورو میں میچ کے دوران بارش ہوگی؟ تو ہم آپ کو بتاتے چلیں کہ اطلاعات کے مطابق آج بنگلورو میں بارش کا کوئی امکان نہیں ہے۔ درجہ حرارت 25 ڈگری کے آس پاس رہے گا۔ اس کے ساتھ ہی ایک اور راحت یہ بھی نظر آرہی ہے کہ آج میدان پر اوس آنے کا کوئی امکان نہیں ہے جس کی وجہ سے دوسری اننگز میں بولنگ کرنے والی ٹیم کو باؤلنگ میں زیادہ پریشانی کا سامنا نہیں کرنا پڑے گا۔
رو برو
رائل چیلنجرز بنگلور اور سن رائزرز حیدرآباد کے درمیان آئی پی ایل میں اب تک 23 میچ کھیلے جا چکے ہیں۔ ان میچوں میں سن رائزرس حیدرآباد نے برتری حاصل کی ہے اور انہوں نے 12 میچ جیتے ہیں۔ جب کہ 10 میں آر سی بی نے کامیابی حاصل کی ہے۔ ایک میچ بے نتیجہ رہا۔
رائل چیلنجرز بنگلور کا ممکنہ پلیئنگ الیون
وراٹ کوہلی، فاف ڈو پلیسس (کپتان)، ول جیک، رجت پاٹی دار، گلین میکسویل/کیم گرین، مہیپال لومرور، دنیش کارتک (وکٹ کیپر)، ریس ٹوپلی، وجے کمار وشاک، آکاش دیپ، محمد سراج۔
امپیکٹ پلیئر- سورو چوہان
سن رائزرس حیدرآباد کا ممکنہ پلیئنگ الیون
ٹریوس ہیڈ، ابھیشیک شرما، ایڈن مارکرم، نتیش ریڈی، ہینرک کلاسین، عبدالصمد، شہباز احمد، پیٹ کمینز ، بھونیشور کمار، جے دیو انادکٹ، ٹی نٹراجن۔
امپیکٹ پلیئر- راہول ترپاٹھی/میانک اگروال۔
بھارت ایکسپریس
