شیوم دوبے کے میدان میں ہونے کا مطلب تھا کہ بھارت جیتے گا ہی، لیکن میلبرن میں کھیلے گئے ٹی20 سیریز کے دوسرے میچ میں یہ ریکارڈ ٹوٹ گیا۔ جمعہ کو آسٹریلیا کے خلاف بھارت کو شکست ہوئی اور اس کے ساتھ ہی شیوم دوبے کا ٹی20 میں ناقابل شکست کا ریکارڈ ختم ہو گیا۔
چھ سال تک ناقابل شکست ریکارڈ رہا برقرار
شیوم دوبے نے 2019 سے 2025 کے درمیان بھارت کی جانب سے 37 ٹی20 میچ کھیلے اور ان تمام میچوں میں ٹیم کو کامیابی ملی تھی۔ اس دوران بھارت نے ٹی20 ورلڈ کپ 2024 اور ایشیا کپ 2025 کے خطاب بھی جیتے۔ دوبے کو ٹیم کے لیے ایک طرح سے ’’لکی چارم‘‘ سمجھا جاتا تھا۔ ان کے کھیلنے سے جیت تقریباً یقینی ہو جاتی تھی، مگر میلبرن میں آسٹریلیا کے ہاتھوں شکست کے بعد یہ چھ سال پرانا ریکارڈ ختم ہو گیا۔
بمراہ کا جیت کا سلسلہ بھی ہوا ختم
شیوم دوبے کے ساتھ ہی جسپریت بمراہ کا بھی 24 میچوں سے جاری جیت کا سلسلہ ٹوٹ گیا۔ بمراہ نے 2021 کے بعد سے مسلسل میچوں میں ٹیم کو فتح دلائی تھی۔ اعداد و شمار کے مطابق دوبے کے 37 میچوں میں بھارت نے 34 جیتے جب کہ 3 میچ بے نتیجہ رہے۔ وہیں بمراہ کے 24 میچوں میں سے 23 بھارت کے نام رہے جب کہ ایک میچ کا نتیجہ نہیں نکلا۔
میچ میں دونوں کھلاڑیوں کی کارکردگی
میلبرن کے دوسرے ٹی20 میچ میں شیوم دوبے نے 2 گیندوں پر 4 رنز بنائے۔ بمرaہ نے 4 اووروں میں 26 رنز دے کر 2 وکٹیں حاصل کیں۔ بھارت نے پہلے بلے بازی کرتے ہوئے 18.4 اوور میں 125 رنز بنائے۔ ٹیم کے لیے سب سے زیادہ 68 رنز ابھیشیک شرما نے بنائے جبکہ ہرشت رانا نے 35 رنز کی اننگ کھیلی۔
Australia’s impressive bowling performance secured their victory over India in Melbourne 👊#AUSvIND 📝: https://t.co/JPvGg1jQQu pic.twitter.com/xmNHprTqWv
— ICC (@ICC) October 31, 2025
آسٹریلیا نے آسانی سے جیت حاصل کی
آسٹریلیا نے ٹاس جیت کر پہلے گیند بازی کا فیصلہ کیا اور ہدف کو 13.2 اوور میں 6 وکٹوں کے نقصان پر 126 رنز بنا کر حاصل کر لیا۔ کپتان مچل مارش نے صرف 26 گیندوں پر 46 رنز بنائے۔ جوش ہیزل وُڈ نے 4 اوور میں 13 رنز دے کر 3 وکٹیں حاصل کیں اور انہیں پلیئر آف دی میچ قرار دیا گیا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
