نئی دہلی : بھارت کی سابق عالمی چیمپئن اور دو مرتبہ کی اولمپک میڈلسٹ بیڈمنٹن اسٹار پی وی سندھو نے اتوار کو جاپان اوپن سپر 750 کا خطاب جیت کر ایک نئی تاریخ رقم کر دی۔ ٹوکیو میٹروپولیٹن جمنازیم میں کھیلے گئے فائنل میں سندھو نے میزبان جاپان کی چار بار کی چیمپئن اکانے یاماگوچی کو سیدھے گیمز میں 21-17، 21-17 سے شکست دے کر ٹائٹل اپنے نام کیا۔ اس کامیابی کے ساتھ وہ جاپان اوپن جیتنے والی پہلی بھارتی کھلاڑی بن گئی ہیں۔یہ گزشتہ دو برسوں میں پی وی سندھو کا پہلا بی ڈبلیو ایف ورلڈ ٹور خطاب ہے، جبکہ دسمبر 2024 میں سید مودی ٹورنامنٹ جیتنے کے بعد یہ ان کا پہلا بڑا عالمی اعزاز بھی ہے۔ اس فتح کے ساتھ سندھو کا سپر 750 یا اس سے اعلیٰ درجے کا ٹائٹل جیتنے کا سات سالہ انتظار بھی ختم ہوگیا۔
History in Tokyo; richly deserved reward for resilience: National celebrates Sindhu’s Japan Open triumph
· Former world champion and two-time Olympic medallist PV Sindhu’s maiden Japan Open title which ended her two-year wait for a BWF World Tour crown, triggered an avalanche of… pic.twitter.com/vcazfULId7
— IANS (@ians_india) July 19, 2026
سندھو نے پورے ٹورنامنٹ میں شاندار کارکردگی کا مظاہرہ کیا۔ پری کوارٹر فائنل میں انہوں نے عالمی نمبر پانچ ہان یو کو شکست دی، جبکہ کوارٹر فائنل اور سیمی فائنل میں ان کی حریف کھلاڑیوں نے انجری کے باعث مقابلے سے دستبرداری اختیار کر لی، جس سے سندھو کو فائنل تک رسائی میں مدد ملی۔فائنل کے پہلے گیم میں سندھو نے جارحانہ آغاز کرتے ہوئے ابتدائی تین پوائنٹس حاصل کیے اور 3-0 کی برتری بنا لی۔ اگرچہ اکانے یاماگوچی نے جلد واپسی کرتے ہوئے مقابلہ برابر کر دیا، لیکن سندھو نے حریف کی غلطیوں کا فائدہ اٹھاتے ہوئے دوبارہ برتری حاصل کی۔ دونوں کھلاڑیوں کے درمیان سخت مقابلہ دیکھنے کو ملا اور اسکور 17-17 تک برابر رہا، تاہم بھارتی اسٹار نے مسلسل چار پوائنٹس جیت کر پہلا گیم 21-17 سے اپنے نام کر لیا۔دوسرے گیم میں بھی سندھو نے ابتدا ہی سے اپنا دباؤ برقرار رکھا اور 8-3 کی مضبوط برتری حاصل کر لی۔ یاماگوچی نے واپسی کی کوشش ضرور کی، مگر سندھو نے شاندار دفاع اور تیز رفتار حملوں کے ذریعے انہیں زیادہ مواقع نہیں دیے۔ مڈ گیم وقفے تک بھارتی کھلاڑی 11-7 سے آگے تھیں۔
وقفے کے بعد سندھو نے مزید جارحانہ کھیل پیش کیا اور جلد ہی 14-7 کی سبقت حاصل کر لی۔ اگرچہ یاماگوچی نے مسلسل پوائنٹس لے کر اسکور 18-17 تک پہنچا دیا، لیکن سندھو نے اعصاب پر قابو رکھتے ہوئے آخری تین پوائنٹس حاصل کیے اور دوسرا گیم بھی 21-17 سے جیت کر خطاب پر قبضہ جما لیا۔اس تاریخی کامیابی کے بعد پی وی سندھو نے ایک بار پھر عالمی بیڈمنٹن میں اپنی برتری ثابت کرتے ہوئے بھارتی کھیلوں کے لیے ایک اور سنہرا باب رقم کر دیا۔ ان کی اس فتح کو ملک بھر میں شاندار کامیابی کے طور پر دیکھا جا رہا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
