Orange Cap Race: آئی پی ایل میں اورینج کیپ کی دوڑ میں پربھ سمرن اور شریس ایئر کی انٹری، پرپل کیپ پر بھونیشور کی دعویداری

نئی دہلی: آئی پی ایل 2026 کے 68ویں مقابلے میں پنجاب کنگز نے شاندار کھیل کا مظاہرہ کرتے ہوئے لکھنؤ سپر جائنٹس کو 7 وکٹوں سے شکست دے دی۔ اس میچ میں پنجاب کی کامیابی کے اصل ہیرو کپتان شریس ایئر اور اوپنر پربھ سمرن سنگھ رہے۔ دونوں بلے بازوں کی دھماکے دار اننگز کے بعد اورنج کیپ کی دوڑ مزید دلچسپ ہوگئی ہے، جبکہ پَرپل کیپ اب بھی بھونیشور کمار کے سر سجی ہوئی ہے۔

شریس ایئر کی سنچری نے بدل دی رینکنگ

پنجاب کنگز کے کپتان شریس ایئر نے محض 51 گیندوں پر ناقابلِ شکست 101 رنز کی شاندار اننگز کھیلی، جس میں 11 چوکے اور 5 چھکے شامل تھے۔ اس سنچری کے بعد ایئر اس سیزن میں 14 میچوں میں 498 رنز تک پہنچ گئے ہیں۔ وہ 168 کے اسٹرائیک ریٹ سے بیٹنگ کرتے ہوئے سب سے زیادہ رنز بنانے والے کھلاڑیوں کی فہرست میں 11ویں نمبر پر پہنچ گئے ہیں۔ پربھسمرن سنگھ نے 39 گیندوں پر 69 رنز کی جارحانہ اننگز کھیل کر پنجاب کی جیت میں اہم کردار ادا کیا۔ اس اننگز کے بعد وہ اورنج کیپ کی ریس کے ٹاپ 10 بلے بازوں میں شامل ہوگئے ہیں۔ پربھ سمرن اب 14 میچوں میں 510 رنز بنا چکے ہیں۔

سائی سدرشن کے پاس برقرار ہے اورنج کیپ

گجرات ٹائٹنس کے اوپنر سائی سدرشن اب بھی اورنج کیپ پر قابض ہیں۔ انہوں نے 14 میچوں میں 638 رنز بنائے ہیں اور ان کا اسٹرائیک ریٹ 157 کا رہا ہے۔ ان کے ساتھی اوپنر شبھمن گل 616 رنز کے ساتھ دوسرے نمبر پر موجود ہیں۔ اس کے بعد سن رائزرس حیدرآباد کے ہینرک کلاسن 606 رنز کے ساتھ تیسرے نمبر پر ہیں۔ صرف 15 سالہ ویبھو سوریہ ونشی 579 رنز کے ساتھ چوتھے مقام پر موجود ہیں، جبکہ ایشان کشن 569 رنز بنا کر پانچویں نمبر پر ہیں۔

بھونیشور کمار کے پاس پرپل کیپ

گیندبازی میں رائل چیلنجرس بنگلورو کے تجربہ کار تیز گیندباز بھونیشور کمار سب سے آگے ہیں۔ انہوں نے 14 میچوں میں 24 وکٹیں حاصل کی ہیں اور پَرپل کیپ ان کے پاس برقرار ہے۔ گجرات ٹائٹنس کے کگیسو ربادا بھی 24 وکٹوں کے ساتھ دوسرے نمبر پر ہیں۔ چنئی سپر کنگز کے انشُل کمبوج 21 وکٹوں کے ساتھ تیسرے مقام پر موجود ہیں۔ اس کے علاوہ راشد خان 19 وکٹوں کے ساتھ چوتھے جبکہ سن رائزرس حیدرآباد کے ایشان ملنگا بھی 19 وکٹیں لے کر پانچویں نمبر پر ہیں۔

بھارت ایکسپریس اردو۔