موہالی: پنجاب کرکٹ ایسوسی ایشن (PCA) نے بھارتی خواتین کرکٹ ٹیم کی تاریخی ورلڈ کپ 2025 فتح پر ٹیم کی کپتان ہرمن پریت کور، آل راؤنڈر امن جوت کور اور فیلڈنگ کوچ منیش بالی کو نقد انعام دینے کا اعلان کیا ہے۔ ہرمن پریت اور امن جوت کو 11-11 لاکھ روپے جبکہ کوچ منیش بالی کو 5 لاکھ روپے دیے جائیں گے۔
جلد ہوگی اعزاز دینے کی تقریب
پی سی اے نے اپنے بیان میں کہا کہ پنجاب سے تعلق رکھنے والے ان تینوں کرکٹرز کے اعزاز میں جلد ایک خصوصی تقریب منعقد کی جائے گی تاکہ ان کی شاندار خدمات اور تاریخی کارنامے کا اعتراف کیا جا سکے۔
ہرمن پریت کور: قیادت، جذبہ اور جرات کی مثال
موگا کی رہائشی ہرمندپریت کور نے اپنی قائدانہ صلاحیتوں اور جرات مندانہ کھیل سے ٹیم کو تاریخی جیت دلائی۔ ان کی جارحانہ حکمتِ عملی اور پوری لگن کے ساتھ قیادت نے انہیں بھارتی کرکٹ کی حقیقی علامت بنا دیا ہے۔ پنجاب کی نوجوان آل راؤنڈر امن جوت کور نے بیٹنگ اور بولنگ دونوں میں اہم کردار ادا کیا، جس سے ان کی محنت، لگن اور کھیل کے تئیں جذبہ جھلکتا ہے۔ بھارتی خواتین ٹیم کے فیلڈنگ کوچ کے طور پر منیش بالی نے ٹیم کی فیلڈنگ اور مجموعی تیاری کو بہتر بنانے میں اہم کردار ادا کیا۔ ان کی رہنمائی اور تربیت نے بھارت کی ورلڈ کپ جیت میں نمایاں کردار ادا کیا۔
پی سی اے صدر کا بیان: پنجاب کو فخر حاصل ہے
پی سی اے کے صدر امرجیت سنگھ مہتا اور اعزازی سکریٹری سدھانت شرما نے کھلاڑیوں اور کوچ کو مبارکباد دیتے ہوئے کہا: ’’ورلڈ کپ کی تاریخی جیت پورے ملک کے لیے فخر کا لمحہ ہے اور پی سی اے کے لیے یہ خوشی کی بات ہے کہ اس تاریخی کامیابی کے اہم کردار پنجاب سے تعلق رکھتے ہیں۔ ان کی کارکردگی نے ریاست اور بھارتی کرکٹ دونوں کا نام روشن کیا ہے۔‘‘
نئی نسل کے لیے تحریک
پی سی اے نے کہا کہ یہ اعزازات اس بات کی علامت ہیں کہ وہ پنجاب کے کھلاڑیوں کی بہترین کارکردگی کو سراہنے اور فروغ دینے کے لیے پرعزم ہے۔ یہ کھلاڑی آنے والی نسلوں کے لیے حوصلہ افزائی کا ذریعہ ہیں اور بھارتی کرکٹ کو نئی بلندیوں تک لے جانے میں مددگار ثابت ہوں گے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
