بھارت نے اتوار کو ارون جیٹلی اسٹیڈیم میں کھیلے گئے 3 میچوں کی دورہ افغانستان ٹی ٹوئنٹی سیریز کے پہلے مقابلے میں افغانستان کو 7 وکٹ سے کراری شکست دے دی۔ اس کامیابی کے ساتھ بھارتی ٹیم نے سیریز میں 1-0 کی برتری حاصل کرلی ہے۔ سیریز کے باقی 2 مقابلے 15 اور 17 ستمبر کو اسی میدان پر کھیلے جائیں گے۔
افغانستان نے 8 وکٹ پر بنائے 156 رنز
ٹاس ہار کر پہلے بلے بازی کرنے اتری افغان ٹیم نے 8 وکٹ کے نقصان پر 156 رنز بنائے۔ اسے محض 5 رنز کے مجموعی اسکور پر رحمان اللہ گرباز صفر کے طور پر پہلا جھٹکا لگا۔ اس کے بعد صدیق اللہ اٹل نے 13 رنز اور کپتان ابراہیم زدران نے 11 رنز کے ساتھ دوسرے وکٹ کے لیے 32 رنز کی شراکت داری کرکے ٹیم کو سنبھالنے کی کوشش کی، لیکن اس جوڑی کے ٹوٹتے ہی وکٹیں گرنے کا سلسلہ شروع ہوگیا۔
43 رنز پر افغانستان کے 5 کھلاڑی آؤٹ
افغانستان نے صرف 43 رنز تک اپنے 5 وکٹ گنوا دیے تھے۔ اس مشکل صورتحال کے بعد عظمت اللہ عمرزئی نے محمد نبی کے ساتھ چھٹے وکٹ کے لیے 56 گیندوں پر 83 رنز کی شاندار شراکت داری کی اور ٹیم کو 126 رنز تک پہنچا دیا۔ محمد نبی 27 گیندوں پر 4 چوکے کی مدد سے 33 رنز بناکر پویلین لوٹ گئے، جس کے بعد افغانستان نے 131 رنز تک پہنچتے پہنچتے 8 وکٹ گنوا دیے تھے۔ اس کے بعد عظمت اللہ نے مجیب الرحمٰن کے ساتھ نویں وکٹ کے لیے صرف 9 گیندوں پر 25 رنز کی ناقابل شکست شراکت داری کرکے ٹیم کو قدرے مضبوط اسکور تک پہنچا دیا۔ عظمت اللہ عمرزئی نے 44 گیندوں پر 4 چوکے اور 4 چھکے کی مدد سے 64 رنز کی اننگز کھیلی۔ بھارت کی جانب سے ارشدیپ سنگھ نے سب سے زیادہ 3 وکٹ حاصل کیے، جبکہ جسپریت بمراہ، اکشر پٹیل اور ورون چکرورتی نے 1-1 کھلاڑی کو آؤٹ کیا۔
ابھیشیک شرما اور ایشان کشن نے میچ یک طرفہ کردیا
156 رنز کے ہدف کے تعاقب میں بھارت نے صرف 13.4 اوور میں 3 وکٹ کے نقصان پر مقابلہ اپنے نام کرلیا۔ سنجو سیمسن نے ابھیشیک شرما کے ساتھ اننگز کا آغاز کرتے ہوئے پہلے وکٹ کے لیے 18 رنز کی شراکت داری کی۔ سنجو 8 گیندوں پر 2 چوکوں کی مدد سے 10 رنز بناکر آؤٹ ہوگئے۔اس کے بعد ایشان کشن نے ابھیشیک شرما کے ساتھ محاذ سنبھال لیا۔ دونوں بلے بازوں کے درمیان دوسرے وکٹ کے لیے صرف 53 گیندوں پر 121 رنز کی شاندار شراکت داری ہوئی، جس نے بھارت کو فتح کی دہلیز تک پہنچا دیا۔ابھیشیک شرما نے صرف 32 گیندوں پر 82 رنز کی دھواں دار اننگز کھیلی، جس میں 7 چھکے اور اتنے ہی چوکے شامل تھے۔ ان کی جارحانہ بلے بازی نے افغانستان کے گیند بازوں کو بے بس کردیا۔
کپتان شریئس ایئر نے دلائی آسان فتح
کپتان شریئس ایئر نے ناٹ آؤٹ 8 رنز بنائے اور ایشان کشن کے ساتھ تیسرے وکٹ کے لیے 13 رنز کی شراکت داری کی۔ ایشان کشن 33 گیندوں پر 6 چوکوں کی مدد سے 42 رنز بناکر آؤٹ ہوئے۔ اس کے بعد کپتان شریئس ایئر نے تلک ورما کے ساتھ مل کر، جو 3 رنز بناکر ناٹ آؤٹ رہے، بھارت کو صرف 13.4 اوور میں 7 وکٹ سے شاندار کامیابی دلادی۔افغانستان کی جانب سے محمد نبی نے سب سے زیادہ 2 وکٹ حاصل کیے، جبکہ عظمت اللہ عمرزئی نے 1 وکٹ اپنے نام کیا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
