محمد شامی ہوں گے باہر؟ ارشدیپ سنگھ اور ورون چکرورتی کو مل سکتا ہے موقع، جانئے ٹیم انڈیا کی پلیئنگ الیون
IND vs NZ: چیمپئنز ٹرافی 2025 کا گروپ مرحلہ آج ختم ہو رہا ہے۔ گروپ بی کے آخری میچ میں بھارت اور نیوزی لینڈ آمنے سامنے ہوں گے، یہ مقابلہ دبئی کرکٹ اسٹیڈیم میں ہوگا۔ دونوں ٹیمیں سیمی فائنل میں پہنچ چکی ہیں لیکن آج کا میچ فیصلہ کرے گا کہ گروپ اے میں کون ٹاپ کرے گا۔ اگر ہندوستانی ٹیم ٹیبل میں دوسرے نمبر پر رہتی ہے تو اس کا مقابلہ جنوبی افریقہ سے ہوگا۔ اگر وہ ٹیبل میں سرفہرست رہتی ہے تو سیمی فائنل میں اس کا مقابلہ آسٹریلیا سے ہوگا۔
ایک طرف بھارتی ٹیم کے کپتان روہت شرما کی فٹنس پر حالیہ دنوں میں سوالات اٹھ رہے ہیں۔ جبکہ ارشدیپ سنگھ کو شروع سے ہی پلیئنگ الیون سے باہر رکھا گیا ہے۔ چونکہ نیوزی لینڈ کے خلاف میچ میں دباؤ تھوڑا کم ہوگا، اس لیے ممکن ہے کہ محمد شامی یا ہرشت رانا میں سے کسی کو آرام دیا جائے اور ارشدیپ کو موقع دیا جائے۔ وہیں ہاردک پانڈیا ہر بار کی طرح تیسرے فاسٹ بولر کا کردار ادا کر سکتے ہیں۔
دبئی پچ رپورٹ
دبئی کی پچ اب تک چیمپئنز ٹرافی میں بیٹنگ اور اسپن بولنگ کے لیے اچھی ثابت ہوئی ہے۔ اب تک ہندوستان نے یہاں دونوں میچوں کا تعاقب کرتے ہوئے جیتا ہے۔ جیسے جیسے پچ پرانی ہوتی جائے گی، یہاں بیٹنگ آسان ہوتی جائے گی۔ اس لیے ٹاس جیتنے والی ٹیم پہلے بولنگ کا انتخاب کر سکتی ہے۔
انڈیا بمقابلہ نیوزی لینڈ: ہیڈ ٹو ہیڈ ریکارڈ
اب تک بھارت اور نیوزی لینڈ ون ڈے کرکٹ کی تاریخ میں 118 بار آمنے سامنے ہو چکے ہیں۔ ان میں سے ٹیم انڈیا نے 60 بار اور کیوی ٹیم نے 50 بار جیتا ہے۔ ان کا ایک میچ ٹائی ہوا اور 7 بار میچ کا کوئی نتیجہ نہیں نکلا۔ بھارت نے گزشتہ 5 ون ڈے میچوں میں ہر بار نیوزی لینڈ کو شکست دی ہے۔
یہ بھی پڑھیں- Champions Trophy 2025: جنوبی افریقہ کی سیمی فائنل میں انٹری، میچ جیتے بغیرہی بنالی جگہ، اب کس سے ہوگا مقابلہ؟
انڈیا بمقابلہ نیوزی لینڈ: ممکنہ پلیئنگ الیون
بھارت کی ممکنہ پلیئنگ الیون: روہت شرما (کپتان)، شبمن گل، وراٹ کوہلی، شریئس ائیر، کے ایل راہل، ہاردک پانڈیا، اکشر پٹیل، رویندرا جڈیجا، ہرشت رانا، ارشدیپ سنگھ، ورون چکرورتی
ممکنہ نیوزی لینڈ پلیئنگ الیون: ول ینگ، ڈیوون کونوے، کین ولیمسن، رچن رویندرا، ٹام لیتھم، گلین فلپس، مائیکل بریسویل، مچل سینٹنر (کپتان)، میٹ ہنری، کائل جیمیسن، ولیم اورورک
-بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
