Irfan Pathan on Gambhir-Sreesanth Fight: ریٹائرمنٹ لے چکے کرکٹروں کے درمیان میں لیجنڈس کرکٹ لیگ کھیلی جارہی ہے۔ اسی ٹورنا منٹ میں بدھ کے روز گجرات جائنٹس اورانڈیا کیپٹلس کے درمیان ایک میچ ہوا۔ اس میچ کے دوران انڈیا کیپٹلس کے بلے باز گوتم گمبھیر اور گجرات جائنٹس کی طرف سے گیند بازی کر رہے سری سنت کے درمیان بحث بازی ہوگئی۔ اس حادثہ کا ویڈیو وائرل ہوا اورپھربات کافی بڑھ گئی۔
سری سنت نے گوتم گمبھیر پرالزام لگایا
جمعرات کی صبح سری سنت نے ایک لائیو ویڈیو میں آکر گوتم گمبھیر کے اوپرالزام لگائے کہ انہوں نے میچ کے دوران سری سنت کے لئے نازیبا الفاظ کا استعمال کیا۔ ان سبھی حادثات کے بعد گوتم گمبھیر نے بغیرنام لئے ایک پُراسرار پوسٹ کیا اورپھرعرفان پٹھان نے بھی گوتم گمبھیر کے پوسٹ کی حمایت کرتے ہوئے رپلائی کیا ہے۔
دراصل، میچ کے دوران ہوئے حادثہ کے بعد سری سنت نے اپنے انسٹا گرام اکاؤنٹ سے ایک لائیو ویڈیوکیا، جس میں انہوں نے بتایا کہ گوتم گمبھیر انہیں باربارفکسر کہہ رہے تھے اورنازیبا الفاظ کا استعمال کرتے ہوئے بھی فکسر کہہ رہے تھے، جبکہ میں نے صرف ان سے اتنا کہ تم کیا کہہ رہے ہو۔ سری سنت نے بتایا کہ وہ ہنس رہے تھے اورانہوں نے گوتم گمبھیرکے لئے کسی بھی طرح کے غلط الفاظ کا استعمال نہیں کیا۔
Smile is the best Answer brother.
— Irfan Pathan (@IrfanPathan) December 7, 2023
گوتم گمبھیر کے پوسٹ کی عرفان پٹھان نے حمایت کی
حالانکہ اس ویڈیو کے آنے کے بعد گوتم گمبھیر نے اپنے آفیشیل ٹوئٹر اکاؤنٹ سے ایک پوسٹ کیا۔ اس پوسٹ میں گوتم گمبھیر کی ایک تصویر تھی، جس میں وہ ہنستے ہوئے دکھائی دے رہے ہیں۔ اس تصویر کے ساتھ گوتم گمبھیر نے کیپشن میں لکھا “جب دنیا صرف آپ کا دھیان متوجہ کرنا چاہتی ہو، آپ صرف ہنستے رہیں۔” گوتم گمبھیر نے اپنے اس ٹوئٹ میں کسی کا نام مینشن نہیں کیا، لیکن فینس نے رپلائی میں بتایا کہ یہ بات سری سنت کے لئے ہی لکھی گئی ہے۔ گوتم گمبھیر کے اس پوسٹ پر ہندوستان کے ایک دیگر سابق آل راؤنڈر عرفان پٹھان بھی آگئے۔ انہوں نے گوتم گمبھیر کی حمایت کرتے ہوئے اسی پوسٹ میں رپلائی کیا کہ “ہنسی ہی سب سے اچھا جواب ہے بھائی۔”
-بھارت ایکسپریس
