فیفا ورلڈ کپ 2026 کا آغاز 11 جون سے ہو رہا ہے۔ ورلڈ کپ کے 23ویں ایڈیشن کی میزبانی امریکہ، کینیڈا اور میکسیکو مشترکہ طور پر کر رہے ہیں۔ اس بار ریکارڈ 48 ٹیمیں ٹورنامنٹ میں حصہ لے رہی ہیں اور مجموعی طور پر 104 میچ کھیلے جائیں گے۔ فٹبال کی تاریخ عظیم کھلاڑیوں سے بھری پڑی ہے، جنہوں نے اپنی شاندار کارکردگی کے ذریعے نہ صرف اپنی ٹیموں کو فتوحات دلائیں بلکہ عالمی سطح پر بھی شہرت حاصل کی۔آئیے جانتے ہیں کہ فیفا ورلڈ کپ کی تاریخ میں بطور کھلاڑی سب سے زیادہ میچ جیتنے کا ریکارڈ کن کے نام ہے۔
جرمنی کے لیجنڈری اسٹرائیکر میروسلاو کلوزے
جرمنی کے لیجنڈری اسٹرائیکر میروسلاو کلوزے فیفا ورلڈ کپ میں سب سے زیادہ میچ جیتنے والے کھلاڑی ہیں۔ انہوں نے جرمنی کے لیے ورلڈ کپ میں 24 میچ کھیلے اور ان میں 17 فتوحات حاصل کیں۔
کافو اور ارجنٹینا کے لیونل میسی
اس فہرست میں دوسرے نمبر پر مشترکہ طور پر برازیل کے کافو اور ارجنٹینا کے لیونل میسی موجود ہیں۔ کافو نے 20 میچوں میں 16 کامیابیاں حاصل کیں، جبکہ میسی نے 26 میچ کھیل کر 16 فتوحات اپنے نام کیں۔
وولف گانگ اووراتھ، رونالڈو، فلپ لام، باسٹیان شوائن اشٹائگر اور لوتھر ماتھیئس
اس کے بعد جرمنی کے وولف گانگ اووراتھ، برازیل کے رونالڈو، جرمنی کے فلپ لام، باسٹیان شوائن اشٹائگر اور لوتھر ماتھیئس کا نمبر آتا ہے۔ اووراتھ نے 19 میچوں میں 15، رونالڈو نے 19 میچوں میں 15، فلپ لام نے 20 میچوں میں 15، شوائن اشٹائگر نے 20 میچوں میں 15 جبکہ لوتھر ماتھیئس نے 25 میچوں میں 15 فتوحات حاصل کیں۔ دیگر نمایاں کھلاڑیوں میں برازیل کے لوسیو شامل ہیں، جنہوں نے 17 میچوں میں 14 کامیابیاں حاصل کیں۔ جرمنی کے فرانز بیکن باؤر نے 18 میچوں میں 14، فرانس کے اولیویئر جیرود نے 18 میچوں میں 14، انتوان گریزمین نے 19 میچوں میں 14، جرمنی کے پیر مرٹیساکر نے 19 میچوں میں 14 اور فرانس کے ہیوگو لوریس نے 20 میچوں میں 14 فتوحات حاصل کیں۔
اٹلی کے عظیم دفاعی کھلاڑی پاؤلو مالدینی بھی شامل
اس فہرست میں اٹلی کے عظیم دفاعی کھلاڑی پاؤلو مالدینی بھی شامل ہیں، جنہوں نے ورلڈ کپ میں 23 میچ کھیلتے ہوئے 14 کامیابیاں اپنے نام کیں۔ یہ تمام کھلاڑی عالمی فٹبال کی تاریخ کے کامیاب ترین ستاروں میں شمار کیے جاتے ہیں، جنہوں نے ورلڈ کپ کے سب سے بڑے اسٹیج پر اپنی ٹیموں کو یادگار فتوحات دلائیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
