میامی: فیفا ورلڈ کپ 2026 میں ارجنٹینا کے خلاف سنسنی خیز مقابلے کے بعد کیپ وردے کے تجربہ کار گول کیپر ووزینا نے کپتان لیونل میسی کے ساتھ ہونے والی جذباتی ملاقات کا ذکر کرتے ہوئے کہا کہ یہ لمحہ وہ زندگی بھر نہیں بھول سکیں گے۔ میچ کے بعد گفتگو کرتے ہوئے ووزینا نے بتایا کہ وہ میسی کے پاس گئے، جہاں ارجنٹینا کے کپتان نے انہیں گلے لگایا اور کہا ’’تم بہت شاندار ہو، تمہارے ملک کے لوگوں کو تم پر فخر ہونا چاہیے۔‘‘ ووزینا کے مطابق ’’میرے لیے یہ لمحہ ناقابلِ یقین تھا۔ لیونیل میسی جیسے عظیم کھلاڑی سے ایسے الفاظ سننا میرے لیے بہت بڑی بات ہے۔‘‘
جرسی کے تبادلے کی خواہش بھی پوری ہوئی
کیپ وردے کے گول کیپر نے بتایا کہ انہوں نے میسی کا شکریہ ادا کرتے ہوئے کہا ’’آپ بہترین ہیں۔‘‘ اس کے بعد انہوں نے میسی سے جرسی کے تبادلے کی درخواست کی۔ ووزینا کے مطابق، میسی نے جواب دیا کہ انٹرویو مکمل ہونے کے بعد اپنی جرسی انہیں دے دیں گے۔ ورلڈ کپ کے ناک آؤٹ مرحلے میں پہلی مرتبہ پہنچنے والی کیپ وردے کی ٹیم نے ابتدا ہی سے جارحانہ کھیل پیش کیا اور ریان مینڈیز کے ذریعے ارجنٹائن کے دفاع کو آزمائش میں ڈالا، تاہم وقت گزرنے کے ساتھ ارجنٹائن نے کھیل پر اپنی گرفت مضبوط کر لی۔ میچ کا پہلا گول 29ویں منٹ میں لیونل میسی نے شاندار انداز میں کیا۔ انہوں نے لیسانڈرو مارٹینیز کی لمبی پاس کو بہترین انداز میں کنٹرول کرتے ہوئے گیند جال میں پہنچا دی۔ یہ ٹورنامنٹ میں میسی کا ساتواں گول تھا، جس کے ساتھ وہ گولڈن بوٹ کی دوڑ میں سرفہرست پہنچ گئے۔
اضافی وقت میں ارجنٹائن نے کامیابی حاصل کی
دوسرے ہاف میں کیپ وردے نے زبردست واپسی کی اور تقریباً ایک گھنٹے کے کھیل کے بعد ڈیروئے دوارٹے نے گول کرکے مقابلہ 1-1 سے برابر کر دیا، جو فیفا ورلڈ کپ کے ناک آؤٹ مرحلے میں کیبو ورڈے کا پہلا گول بھی تھا۔ ووزینا نے اس دوران میسی سمیت ارجنٹینا کے کئی حملوں کو شاندار سیوز کے ذریعے ناکام بنایا، جس کے باعث میچ اضافی وقت میں داخل ہوا۔ اضافی وقت کے دوسرے ہی منٹ میں لیسانڈرو مارٹینیز نے کارنر پر گول کرکے ارجنٹائن کو دوبارہ برتری دلائی، لیکن کیپ وردے نے ایک بار پھر شاندار جواب دیتے ہوئے سڈنی لوپس کابرال کے خوبصورت گول کی بدولت اسکور 2-2 کر دیا۔
رومیرو کے ہیڈر نے فیصلہ کر دیا
فیصلہ کن گول اضافی وقت کے دوسرے حصے میں آیا، جب میسی کے کارنر پر رومیرو کے طاقتور ہیڈر نے معمولی ڈیفلیکشن کے بعد جال کا رخ کیا اور ارجنٹینا کو 3-2 کی برتری دلا دی۔ اختتامی لمحات میں کیب وردے کو پنالٹی شوٹ آؤٹ تک میچ لے جانے کا موقع ملا، لیکن ارجنٹینا کے گول کیپر ایمیلیانو مارٹینیز نے سڈنی لوپس کابرال کی خطرناک فری کک کو روک کر اپنی ٹیم کی فتح یقینی بنا دی۔ اس کامیابی کے ساتھ ارجنٹینا نے اگلے مرحلے میں جگہ بنا لی، جہاں اس کا مقابلہ مصر سے ہوگا، جبکہ کیب وردے اپنی پہلی ورلڈ کپ مہم میں شاندار کارکردگی کی بدولت دنیا بھر کی داد سمیٹتے ہوئے ٹورنامنٹ سے باہر ہو گیا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
