دہلی سے جموں و کشمیر تک بارش تھمنے کا نام نہیں لے رہی۔ بہار، اتر پردیش، دہلی اور پنجاب سے لے کر جموں و کشمیر تک آسمانی آفت نے لوگوں کا جینا دوبھر کر دیا ہے۔ اس شدید بارش سے نمٹنے کے لیے این ڈی آر ایف (NDRF) کی ٹیمیں ریسکیو آپریشن میں لگ گئی ہیں۔ اس دوران محکمہ موسمیات نے آج یعنی 7 ستمبر کو کئی ریاستوں میں شدید بارش کی وارننگ دی ہے۔ دارالحکومت دہلی-NCR میں بارش کا الرٹ جاری کیا گیا ہے۔
محکمہ موسمیات کے مطابق دہلی-این سی آر میں بارش سے فی الحال کوئی راحت ملتی نظر نہیں آ رہی۔ دہلی میں آج دوپہر یا شام کے وقت درمیانی سے شدید بارش ہو سکتی ہے۔ آندھی اور طوفان کا بھی الرٹ جاری کیا گیا ہے۔ وہیں دہلی میں سیلاب کی تازہ صورتحال کی بات کی جائے تو یہاں یمنا دریا کا پانی کم ہونا شروع ہو گیا ہے۔
اتر پردیش میں موسم کیسا رہے گا؟
یوپی کے زیادہ تر اضلاع میں آج بارش سے راحت کی امید ہے۔ محکمہ موسمیات کے مطابق آج یعنی 7 ستمبر کو دہلی سے ملحقہ اضلاع میں ضرور شدید بارش کی توقع ہے۔ تاہم، 8 اور 9 ستمبر کو یوپی کے کچھ علاقوں میں گرج چمک کے ساتھ بارش کی پیش گوئی کی گئی ہے۔ آئی ایم ڈی کے اندازے کے مطابق، 10 ستمبر کو مشرقی حصے میں بارش ہوگی اور 11 ستمبر کو مشرقی اور مغربی دونوں حصوں میں بارش کا الرٹ ہے۔
بہار میں موسم کیسا رہے گا؟
بہار کے کچھ اضلاع میں آسمانی بجلی گرنے کا خدشہ ظاہر کیا گیا ہے۔ محکمہ موسمیات کے مطابق آج ریاست میں شدید بارش سے راحت ملے گی۔ اس کے بعد 9 ستمبر کو پورے بہار میں آندھی، گرج چمک اور شدید بارش کے لیے یلو الرٹ جاری کیا گیا ہے۔ وہیں، 10 ستمبر سے جنوبی بہار میں شدید بارش کا امکان ہے۔ 11 سے 13 ستمبر تک مختلف اضلاع کے لیے یلو الرٹ جاری کیا گیا ہے۔
راجستھان میں بارش سے نہیں ملے گی راحت
راجستھان میں بارش کا سلسلہ رکنے کا نام نہیں لے رہا۔ محکمہ موسمیات کے مطابق آج یعنی 7 ستمبر کو ایک بار پھر شدید بارش کی وارننگ جاری کی گئی ہے۔
مدھیہ پردیش میں اب بارش سے راحت
محکمہ موسمیات کے مطابق آج یعنی 7 ستمبر کو مدھیہ پردیش میں شدید بارش سے راحت ملنے کی امید ہے۔ ندیوں کے پانی کی سطح میں بھی کمی آنے کا امکان ہے۔ یاد رہے کہ اگست میں مدھیہ پردیش میں خوب بارش ہوئی تھی۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
