کانگریس لیڈر راہل گاندھی
لوک سبھا انتخابات 2024 کے پیش نظر کانگریس نے امیدواروں کی پہلی فہرست جاری کر دی ہے۔ کانگریس کی سنٹرل الیکشن کمیٹی کی 7 مارچ کو ہوئی میٹنگ میں کئی بڑے ناموں کا فیصلہ کیا گیا۔ کانگریس نے جمعہ (8 مارچ) کو امیدواروں کی پہلی فہرست جاری کرتے ہوئے اس کی منظوری دی ہے۔ کانگریس کے رکن پارلیمنٹ راہل گاندھی کو کیرالہ کی وایناڈ لوک سبھا سیٹ سے میدان میں اتارا گیا ہے۔
کانگریس کی پہلی فہرست میں 39 نام سامنے آئے ہیں۔ اس میں چھتیس گڑھ سے چھ، کرناٹک سے سات، کیرالہ سے 16، لکشدیپ سے ایک، میگھالیہ سے دو، ناگالینڈ سے ایک، سکم سے ایک، تلنگانہ سے چار اور تریپورہ سے ایک امیدوار کھڑا کیا گیا ہے۔
اس فہرست میں وایناڈ سے راہل گاندھی، ترواننت پورم سے ششی تھرور، الاپپوزا سے کے سی وینوگوپال، راج ناندگاؤں سے بھوپیش بگھیل، میگھالیہ سے ونسنٹ پالا اور تریپورہ ویسٹ سے آشیش ساہا کے نام سامنے آئے ہیں۔
کانگریس کے 39 امیدواروں کی اس پہلی فہرست میں 15 امیدوار عام زمرہ کے ہیں، جب کہ 24 امیدوار پسماندہ، دلت، قبائلی اور اقلیتی طبقے سے ہیں۔
کانگریس نے پہلی فہرست میں چھتیس گڑھ سے زیادہ امیدوار کھڑے کیے ہیں۔ ان میں جنجگیر سے شیو دہریا، کوربا سے جیوتسنا مہنت، درگ سے راجندر ساہو، رائے پور سے وکاس اپادھیائے اور مہاسمنڈ سے تمرادھواج ساہو کو امیدوار بنایا گیا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
