راہل گاندھی نے انبالہ میں ٹرک کی سواری کی، ڈرائیوروں سے ملاقات کی اور ان کے مسائل جاننے کی کوشش کی
کرناٹک انتخابی مہم کے وقت سے ہی کانگریس لیڈر راہل گاندھی مسلسل سرخیوں میں ہیں۔ وہ مسلسل عوام کے درمیان جا رہے ہیں اور ان سے بات چیت کر رہے ہیں۔ اس تعلق سے ان کی ویڈیوز بھی سوشل میڈیا پر خوب وائرل ہوتی رہتی ہیں۔ کرناٹک انتخابات کے دوران راہل گاندھی بنگلورو میں ڈیلیوری بوائے کے ساتھ سواری کر کے سرخیوں میں آئے تھے۔ وہیں اب ان کی ایک اور ویڈیو وائرل ہو رہی ہے، جس میں وہ ہریانہ کے انبالہ میں ٹرک ڈرائیوروں کے ساتھ سواری کر رہے ہیں۔ ایک ٹرک میں راہل گاندھی کو بیٹھا دیکھا جا سکتا ہے۔ اس کے علاوہ راہل نے ٹرک ڈرائیوروں سے بات چیت کی اور ڈرائیوروں کا حال دریافت کیا۔
जननायक @RahulGandhi जी ट्रक ड्राइवर्स की समस्या जानने उनके बीच पहुंचे।
राहुल जी ने उनके साथ दिल्ली से चंडीगढ़ तक का सफर किया।
मीडिया रिपोर्ट्स के मुताबिक, भारत की सड़कों पर करीब 90 लाख ट्रक ड्राइवर्स हैं। इनकी अपनी समस्याएं हैं। इनके ‘मन की बात’ सुनने का काम राहुल जी ने किया। pic.twitter.com/Bma2BCjGpY
— Congress (@INCIndia) May 23, 2023
بتا دیں کی یہ ویڈیو یوتھ کانگریس کے سوشل میڈیا پلیٹ فارم ٹویٹر سے شیئر کی گئی ہے جس کے بعد راہل گاندھی کی تصاویر سوشل میڈیا پر کافی وائرل ہو رہی ہیں۔ دوسری جانب کانگریس لیڈر عمران پرتاپ گڑھی نے بھی ویڈیو شیئر کرتے ہوئے لکھا۔ “ٹرک ڈرائیوروں کے مسائل جاننے کے لیے ان کے درمیان جانا اور ان سے بات کرنا یہ صرف راہل گاندھی ہی کر سکتے ہیں”۔
کانگریس پارٹی نے ٹویٹ کرکے لکھا کہ عوامی لیڈر راہل گاندھی ٹرک ڈرائیوروں کے درمیان ان کے مسائل جاننے کے لیے پہنچے۔ راہل گاندھی نے ان کے ساتھ دہلی سے چنڈی گڑھ کا سفر کیا۔ میڈیا رپورٹس کے مطابق ہندوستان کی سڑکوں پر تقریباً 90 لاکھ ٹرک ڈرائیور ہیں۔ ان کے اپنے مسائل ہیں۔ ان کی ‘من کی بات’ سننے کا کام راہل جی نے کیا۔
بھارت ایکسپریس۔
