جالندھر میں بارش نے لوگوں کی بڑھائی پریشانی
جالندھر: پنجاب میں سیلاب سے تباہ حال عوام کی مشکلات تھمنے کا نام نہیں لے رہیں۔ بھاکڑا، پونگ اور رنجیت ساگر ڈیموں کے دروازے مسلسل کھولے جانے سے ریاست میں سیلاب کا دائرہ مزید بڑھ گیا ہے۔ تازہ ترین صورتحال کے مطابق 10 اضلاع کے 900 سے زائد گاؤں سیلاب کی زد میں ہیں جن میں سے 300 سے زائد گاؤں 5 سے 8 فٹ تک پانی میں ڈوب گئے ہیں۔ ادھر جالندھر میں مسلسل بارش نے ایک بار پھر لوگوں کی پریشانی بڑھا دی ہے۔
پنجاب میں ہفتہ کے لیے اورنج الرٹ جاری
محکمہ موسمیات نے پنجاب میں ہفتہ کے لیے اورنج الرٹ جاری کر دیا ہے۔ ماہرین کا ماننا ہے کہ اگر بارش کا سلسلہ جاری رہا تو جالندھر سمیت کئی اضلاع میں سیلاب کی صورتحال مزید سنگین ہو سکتی ہے۔ دیہی علاقوں میں پانی کی سطح بلند ہونے سے عوام کی مشکلات دوگنی ہوگئی ہیں۔
منڈالا چھنا گاؤں میں حالات انتہائی خراب
شاہکوٹ کے منڈالا چھنا گاؤں میں حالات انتہائی خراب بتائے جاتے ہیں۔ گاؤں میں پانی داخل ہونے سے لوگوں کی زندگی اجیرن ہوگئی۔ جہاں دو روز بارش رکی تو لوگوں کو راحت کی امید بندھی تھی لیکن اب ایک بار پھر بارش شروع ہونے سے مشکلات میں مزید اضافہ ہوگیا ہے۔ گاؤں والوں کا کہنا ہے کہ 2019 اور 2023 کے بعد ایک بار پھر سیلاب نے گاؤں کو تباہ کر دیا ہے۔
چرنجیت چنی نے صورتحال کا لیا جائزہ
صورتحال کا جائزہ لینے پہنچے رکن پارلیمنٹ چرنجیت سنگھ چنی نے بتایا کہ سیلاب کی وجہ سے تقریباً 10 سے 15 ہزار ایکڑ اراضی پانی میں ڈوب گئی ہے۔ کسانوں کی کھڑی فصلیں مکمل طور پر تباہ ہو گئی ہیں۔ کئی گھر زیر آب آگئے ہیں اور مویشیوں کے ڈوبنے کی اطلاعات سامنے آرہی ہیں۔ گاؤں والوں کے درد کو سمجھتے ہوئے چنی نے کہا کہ جب بھی سیلاب آتا ہے گاؤں میں بنایا گیا کچا باندھ ٹوٹ جاتا ہے جس سے حالات مزید خراب ہو جاتے ہیں۔ انہوں نے حکومت سے مطالبہ کیا کہ وہ اس مسئلے کے مستقل حل کے لیے فوری اقدامات کرے۔
گاؤں والوں نے الزام لگایا کہ ابھی تک کوئی بھی انتظامیہ کا اہلکار مناسب طریقے سے جائزہ لینے نہیں پہنچا۔ ان کا کہنا ہے کہ پانی داخل ہونے سے ان کی زمینوں اور گھروں کو بھاری نقصان پہنچا ہے۔ کئی کسانوں نے بتایا کہ ان کے پاس صرف 10 ایکڑ زمین محفوظ ہے، باقی پانی میں ڈوبی ہوئی ہے۔ مسلسل بارش اور سیلاب کی وجہ سے حالات قابو سے باہر ہوتے جا رہے ہیں۔ بارش نہ رکی تو پنجاب میں سیلاب کا بحران مزید گہرا ہو سکتا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
