ساگر میں دیوار گرنے سے 9 بچوں کو موت
ساگر: مدھیہ پردیش کے ساگر ضلع کے شاہ پور علاقے میں اتوار کے روز ایک بڑا حادثہ پیش آیا۔ یہاں دیوار گرنے سے 9 بچے ہلاک اور متعدد شدید زخمی ہو گئے۔ وزیر اعلیٰ ڈاکٹر موہن یادو نے اس حادثے پر دکھ کا اظہار کیا ہے۔ وزیراعلیٰ نے ہلاک ہونے والوں کے لواحقین کو چار چار لاکھ روپے کی مالی امداد کا بھی اعلان کیا۔
حادثے میں زخمی ہونے والے تمام بچوں کو علاج کے لیے اسپتال لے جایا گیا ہے۔ معلومات کے مطابق، ساگر ضلع کے راہلی علاقے کے تحت شاہ پور علاقے میں ساون کا مہینہ کی وجہ سے بچے ہردول مندر کے پاس کچی مٹی سے شیولنگ بنانے کے لیے جمع ہوئے تھے۔ اس دوران ایک مکان کی دیوار گر گئی۔ بچوں کی بڑی تعداد دیوار کے ملبے کی زد میں آ گئی۔ نو بچے ہلاک ہو چکے ہیں۔ دیگر زخمی بچوں کو علاج کے لیے اسپتال لے جایا گیا ہے۔
سی ایم موہن یادو نے ٹویٹر پر پوسٹ کیا، ’’آج مجھے ساگر ضلع کے شاہ پور میں شدید بارش کی وجہ سے ایک خستہ حال مکان کی دیوار گرنے سے 9 معصوم بچوں کی موت کی خبر سن کر دکھ ہوا ہے۔ ضلعی انتظامیہ کو ہدایت کی گئی ہے کہ زخمی بچوں کو مناسب علاج فراہم کیا جائے۔ بھگوان سے دعا ہے کہ وہ ہلاک ہونے والے بچوں کی روح کو سکون دے۔ میں حادثے میں زخمی ہونے والے دیگر بچوں کی جلد صحت یابی کے لیے دعا گو ہوں۔ معصوم بچوں کو کھونے والے خاندانوں سے میری گہری تعزیت ہے۔ مرنے والے بچوں کے لواحقین کو حکومت کی طرف سے 4 لاکھ روپے کی امدادی رقم دی جائے گی۔ اوم شانتی۔‘‘
आज सागर जिले के शाहपुर में हुई अतिवृष्टि के कारण जर्जर मकान की दीवार गिरने से 9 मासूम बच्चों के काल कवलित होने की खबर सुनकर मन व्यथित है। घायल बच्चों के उचित इलाज के लिए जिला प्रशासन को निर्देशित किया है।
भगवान से करबद्ध प्रार्थना है कि दिवंगत बच्चों की आत्मा को शांति प्रदान…
— Dr Mohan Yadav (@DrMohanYadav51) August 4, 2024
اس حادثہ کی اطلاع ملتے ہی راہلی علاقہ کے ایم ایل اے اور سابق وزیر گوپال بھارگوا موقع پر پہنچ گئے اور راحت اور بچاؤ کے کاموں کا جائزہ لیا۔ زخمیوں کو ہر ممکن مدد کی یقین دہانی کرائی گئی ہے۔ انہوں نے مرنے والوں کے اہل خانہ سے تعزیت کا اظہار کیا ہے۔
بھارت ایکسپریس۔
