بھٹنڈہ ملٹری اسٹیشن میں فائرنگ سے چار فوجی جوان ہلاک
Bathinda Military Station: پنجاب کے بھٹنڈہ ملٹری اسٹیشن کےاندر فائرنگ کا واقعہ بدھ کی صبح تقریباً 04:35 بجے پیش آیا۔ اس فائرنگ میں چار فوجی ہلاک ہو گئے۔ اسٹیشن کوئیک ری ایکشن ٹیمیں فعال کر دیا گیا ۔ پورے علاقے کو گھیرے میں لے کر سیل کر دیا گیا۔ سرچ آپریشن جاری ہے۔ بھٹنڈہ میں آرمی کینٹ کے سبھی داخلی دروازے بند کر دیے گئے ہیں۔
#WATCH | Visuals from outside Bathinda Military Station where four casualties have been reported in firing inside the station in Punjab; search operation underway pic.twitter.com/jgaaGVIdMS
— ANI (@ANI) April 12, 2023
اسٹینڈرڈ آپریٹنگ پروسیجر (ایس او پی) اور پروٹوکول کے مطابق وزیر دفاع راج ناتھ سنگھ کو بھٹنڈہ واقعہ کے بارے میں بریفنگ دی گئی ہے۔ اس کے ساتھ ہی وزیر دفاع نے آئندہ کی صورتحال پر تبادلہ خیال کے لیے میٹنگ بلائی ہے۔ اس کے ساتھ ہی قومی سلامتی کے مشیر (این ایس اے) کو بھی اس واقعے سے آگاہ کر دیا گیا ہے۔
قابل ذکربات یہ ہے کہ بدھ کی صبح بٹھنڈہ ملٹری اسٹیشن کے اندر مشتبہ سرگرمیاں دیکھی گئیں۔ فوجیوں نے تلاشی مہم شروع کی۔ اس دوران مشتبہ شخص نے فوجیوں پر فائرنگ کردی۔ فائرنگ میں چار جوان شہید ہو گئے۔ حملہ آور سادہ لباس میں تھے۔
بٹھنڈہ ملٹری اسٹیشن کے اندر سے چار لاشیں ملی ہیں۔ ہلاک ہونے والے چاروں کا تعلق 80 میڈیم رجمنٹ سے ہے۔ ملٹری اسٹیشن میں فائرنگ پر بھٹنڈہ ایس ایس پی کا بیان آیا ہے۔ انہوں نے کہا کہ ملٹری اسٹیشن پر فائرنگ دہشت گردی کا واقعہ نہیں ہے۔
پنجاب پولیس کے ذرائع نے اے این آئی کو بتایا کہ کچھ دن پہلے ایک انسا رائفل کے ساتھ 28 کارتوس غائب ہونے کی اطلاع ملی تھی۔
بھارت ایکسپریس
