پٹنہ میں دو گروپوں کے درمیان فائرنگ، 2 ہلاک، 3 زخمی
Bihar News: مشرقی پٹنہ میں اتوار کو دو گروپوں کے درمیان فائرنگ کے تبادلے میں دو افراد ہلاک اور دو دیگر شدید زخمی ہو گئے۔ یہ واقعہ گٹھولی گاؤں میں مقامی باہوبلی بچہ رائے اور چندریکا رائے کے درمیان پارکنگ کو لے کر تنازعہ پر پیش آیا ۔ جس کے بعد کچھ ہی دیر میں معاملہ اتنا بڑھ گیا کہ دونوں فریقوں نے ایک دوسرے پر فائرنگ شروع کر دی۔ ایک شخص، جس کی شناخت گوتم کمار کے طور پر ہوئی، کی موقع پر ہی موت ہوگئی، جب کہ ایک اور شخص نے پٹنہ میڈیکل کالج اینڈ اسپتال (PMCH) میں زخموں کی تاب نہ لاتے ہوئے دم توڑ دیا۔ باقی تین پی ایم سی ایچ میں زندگی اور موت سے لڑ رہے ہیں۔
ایک اہلکار کے مطابق، چندریکا رائے اپنی کار کو اپنے پرائیویٹ پارکنگ ایریا سے سڑک پر لے جا رہے تھے، جب کہ بچہ رائے اپنے پارکنگ ایریا کے سامنے عمارت کا سامان اکٹھا کر رہے تھے۔ چندریکا رائے نے ان سے سامان ہٹانے کو کہا، جس کی وجہ سے ان کے درمیان زبانی تکرار شروع ہوئی۔ بچہ رائے نے فوراً ہی اپنے ساتھیوں کو بلا لیا، جنہوں نے آکر چندریکا رائے پر فائرنگ کرشروع کر دی۔
ذرائع نے بتایا ہے کہ 50 سے زائد راؤنڈ فائرنگ کی گئی۔ واقعے کے بعد فاتحہ میں بچہ رائے کے رشتہ دار کے شادی ہال کو بھی آگ لگا دی گئی۔ حکام نے بتایا کہ علاقے میں حالات کشیدہ ہیں۔
-بھارت ایکسپریس
