حادثہ کے بعد کاٹی گئی بس
وڈودرا کے کپورائی چوک کے پاس ایک ٹرک اور بس کی آمنے سامنے کی ٹکر ہو گئی جس کی وجہ سے ڈرائور سمیت 4 افراد ہلاک ہو گئے ہیں۔ وہیں 15 سے زائد افراد شدید زخمی ہیں۔
گجرات ریاست کے وڈودرا ضلع میں ایک نجی بس اور ٹرک کےدرمیان ٹکر ہو گئی جس میں ڈرائور سمیت 4 افراد کی موت ہو چکی ہے۔ اس کے علاوہ 15 افراد شدید طور پر زخمی ہیں جنہیں وڈودرا کے ساگ (SAAG) ہسپتال میں داخل کیا گیا ہے۔
جو بس حادثہ کا شکار ہوئی ہے وہ راجستھان کے بھیلواڑہ سے ممبئی جا رہی تھی۔ اسی دوران بس نے گیہوں سے بھرے ٹرک کو اوور ٹیک کرنے کی کوشش کی جس کی وجہ یہ حادثہ پیش آیا۔حادثہ کے بعد ٹرک ڈرائور ٹرک لیکر فرار ہو گیا۔
حادثہ کے بعد بس میں سفر کر رہے مسافروں کو نکالنے کے لئے بس کو کاٹنا پڑا ۔
