بھارتیہ جنتا پارٹی (بی جے پی) نے اتوار (10 مارچ) کو اپنے کرناٹک کے رکن پارلیمنٹ اننت کمار ہیگڑے کے متنازعہ بیان سے خود کو الگ کر لیا جس میں انہوں نے آئین ہند میں ترمیم کرنے کی بات کی تھی۔ پارٹی نے رکن پارلیمنٹ کے بیان سے خود کو الگ کیا ہے اور اسے ان کا ذاتی تبصرہ قرار دیا ہے۔ اس بیان پر ان سے جواب بھی طلب کیا گیا ہے۔
بی جے پی کے قومی ترجمان گورو بھاٹیہ نے کہا کہ آئین پر ہیگڈے کے خیالات ان کے ذاتی ہیں، جس پر پارٹی نے بھی رکن پارلیمنٹ سے جواب طلب کیا ہے۔
بی جے پی نے ہیگڑے کے بیان کا نوٹس لیا۔
گورو بھاٹیہ نے کہا کہ کرناٹک کے ایم پی اننت کمار ہیگڈے کا بیان ان کے ذاتی خیالات کی عکاسی کرتا ہے۔ یہ کوئی بیان نہیں ہے جو بی جے پی کے خیالات کی عکاسی کرتا ہے۔ پارٹی نے ہیگڑے کے بیان کا نوٹس لیا ہے اور ان سے وضاحت بھی مانگی ہے۔
بی جے پی کا ہر قدم آئین کی روح کے مطابق ہے
گورو بھاٹیہ نے یہ بھی کہا کہ اس بات کا اعادہ کیا جانا چاہئے کہ بی جے پی کا ہر قدم اور اس کا ہر فیصلہ ہمیشہ ملک کے مفاد میں اور آئین کی روح کے مطابق ہوتا ہے۔
بی جے پی کی کرناٹک یونٹ نے بھی رکن پارلیمنٹ کے بیان سے خود کو الگ کیا اور کہا کہ پارٹی ہمیشہ آئین کو برقرار رکھنے کے لئے پوری طرح پابند ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
