لوک سبھا انتخابات 2024 کے لیے ووٹنگ کا صرف آخری مرحلہ باقی ہے، جس کے لیے یکم جون کو ووٹنگ ہونی ہے۔ کانگریس لیڈر راہل گاندھی اور ایس پی صدر اکھلیش یادو انتخابات کے لیے مسلسل ایک ساتھ مہم چلاتے نظر آ رہے ہیں۔ حال ہی میں دونوں نے پھولپور میں ایک ساتھ ایک ریلی سے خطاب کیا، جس کا ایک ویڈیو کانگریس نے اپنے ایکس اکاؤنٹ پر شیئر کیا ہے۔
راہل گاندھی اکھلیش یادو سے سوال کرتے نظر آرہے ہیں کہ ملائم سنگھ یادو کے بارے میں بتائیں۔ آپ نے ان سے کیا سیکھا ہے؟ اس پر اکھلیش نے کچھ ایسا جواب دیتے ہیں ، جس کا ویڈیو سوشل میڈیا پر سرخیاں بٹور رہا ہے۔
INDIA गठबंधन, न्याय के नए युग की शुरुआत है।
जीतेगा INDIA 🇮🇳 pic.twitter.com/vKGA73ewZc
— Congress (@INCIndia) May 28, 2024
راہل کے سوال پر اکھلیش کا جواب
اس سوال کے جواب میں اکھلیش یادو نے کہا کہ ”نیتا جی زمینی سیاست کرتے رہے۔ انہوں نے ریسلنگ بھی کی، جو میں نہیں کرپایا، کیوں کہ میں اسکول میں تعلیم حاصل کرنے چلاگیا۔ لوگ نیتا جی کو دھرتی کا پتر کہتے تھے، وہ زمین کی بات کو اچھی طرح سمجھتے تھے۔ ساتھ ہی اکھلیش یادو نے راہل گاندھی سے کہا کہ آپ کا الہ آباد سے لگاؤ آج کا نہیں ہے، کئی دہائیوں پرانا ہے۔ کسی سیاسی گھرانےکا ایسا لگاؤ نہیں رہا۔
راہل نے کہا- یہ ایک فطری اتحاد ہے
اکھلیش یادو نے کہا کہ ہماری ذاتی زندگی اور اصولوں کو لے کر کوئی معاہدہ نہیں ہوا ہے۔ ہم اصولوں پر کئی بار آپ کے ساتھ بھی کھڑے رہے۔ آپ کی پارٹی (کانگریس) بھی ایس پی کے ساتھ کھڑی رہی ۔ اس پر راہل گاندھی نے کہا کہ اب ایک نئی قسم کی شراکت داری بن رہی ہے۔ سب شامل ہو گئے ہیں۔ یہ ایک فطری اتحاد ہے۔
57 سیٹوں پر ووٹنگ ہوگی
آپ کو بتاتے چلیں کہ یکم جون کو ووٹنگ کے آخری مرحلے میں 8 ریاستوں اور مرکز کے زیر انتظام علاقوں کی 57 سیٹوں پر ووٹنگ ہونی ہے۔ جس میں یوپی کی 13، پنجاب کی 13، ہماچل پردیش کی 4، بہار کی 8، اڈیشہ کی 6، جھارکھنڈ کی 3، مغربی بنگال کی 9 اور چندی گڑھ کی ایک سیٹیں شامل ہیں۔
بھارت ایکسپریس
