امریکی سابق صدر ڈونلڈ ٹرمپ کو نیو جرسی کے میٹ لائف اسٹیڈیم میں پی ایس جی اور چیلسی کے درمیان ہونے والے فیفا کلب ورلڈ کپ فائنل کے دوران شدید ہوٹنگ کا سامنا کرنا پڑا۔ 79 سالہ ٹرمپ کے ہمراہ اُن کی اہلیہ اور سابق خاتون اول میلانیا ٹرمپ، اور فیفا کے صدر جیانی انفینٹینو بھی موجود تھے۔ اٹارنی جنرل پام بونڈی سمیت کئی اعلیٰ سرکاری حکام بھی صدر کے ساتھ میچ دیکھنے آئے تھے۔
جیسے ہی ڈونلڈ ٹرمپ اسٹیڈیم میں داخل ہوئے،ناظرین نے تالیاں بجا کر ان کا استقبال کیا۔ قابل ذکر بات یہ ہےکہ جب جَمبوٹرون اسکرین پر انہیں امریکی قومی ترانے کے دوران ‘اسٹارز اینڈ سٹرائپس’ (امریکی پرچم) کو سیلوٹ کرتے ہوئے دکھایا گیا، تو تالیاں اچانک ہوٹنگ میں بدل گئیں۔ کیمرا مین نے یہ دیکھتے ہی کیمرہ فوراً ٹرمپ سے ہٹا لیا۔
🚨BREAKING: Loud boos ERUPT the moment Donald Trump appears on the Jumbotron during the National Anthem at the World Cup Final. The camera cut away almost instantly. The world is watching and MAGA is crumbling. pic.twitter.com/oh5UqrYqZj
— Charles (@charlesera58193) July 14, 2025
گزشتہ سال 14 جولائی کو پنسلوینیا میں ایک انتخابی ریلی کے دوران ٹرمپ پر گولی چلائی گئی تھی، جس میں وہ بال بال بچ گئے تھے۔ ایک گولی ان کے بائیں کان کو چھوتے ہوئے نکل گئی تھی۔ اسی واقعےکے ایک سال گزرنے پر وہ اپنی بیوی کے ساتھ میچ دیکھنے میٹ لائف اسٹیڈیم آئے تھے۔ جب چیلسی نے میچ جیتا اور ٹرمپ ٹرافی دینے کے لیے میدان میں اترے، تو ایک بار پھر ناظرین نے ہوٹنگ کی۔
کلب ورلڈ کپ فائنل میں ٹرمپ کی ہوٹنگ کیوں ہوئی؟
گزشتہ ہفتے سیاسی کشیدگی کے بڑھنے کے دوران صدر ڈونلڈ ٹرمپ اپنی بیوی میلانیا، اٹارنی جنرل پام بونڈی، کرسٹی نوم، ٹام بریڈی اور دیگر کے ہمراہ ایک تقریب میں موجود تھے۔ جیفری ایپستین فائلز کے معاملے میں امریکی محکمۂ انصاف کی کارروائی پر ان کی حکومت کو سخت تنقید کا سامنا ہے۔ صدر ٹرمپ کو ان کی امیگریشن اور ٹیرف پالیسیز کے سبب بھی مخالفت کا سامنا ہے۔
پام بونڈی اور ڈین بونجینو سے متعلق ایپستین فائلز تنازعے نے اس تنقید کو مزید ہوا دی ہے۔ لورا لومر اور دیگر نے ٹرمپ پر پام بونڈی کو بچانے کا الزام لگایا ہے۔ ٹرمپ کو 2019 کی ورلڈ سیریز اور 2021 کے باکسنگ میچ میں بھی ایسی ہی ہوٹنگ کا سامنا کرنا پڑا تھا۔ اگلے سال فیفا ورلڈ کپ کا فائنل بھی اسی اسٹیڈیم میں ہوگا، اور اسی دن امریکہ کی آزادی کی 250ویں سالگرہ بھی منائی جائے گی۔ 2026 کا فیفا ورلڈ کپ امریکہ، میکسیکو اور کینیڈا کی مشترکہ میزبانی میں منعقد ہوگا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
