سلطان پوری تھانے کے باہر مشتعل افراد کا مسلسل احتجاج، پولیس کی بھاری نفری تعینات
Delhi Kanjhawala Accident: دہلی میں نئے سال کے دن سامنے ایک دل دہلانے والا واقعہ پیش آیا ہے، جس سے ایک بار پھر سے ملک کی راجدھانی دہلی کا سر شرم سے جھک گیا ہے۔ دہلی کے سلطان پوری علاقہ میں ایک بیس سال کی لڑکی کی دردناک موت نے لوگوں کو حیران کردیا ہے۔ اس واقعہ نے دہلی این سی آر میں پولیس کی لاپروائی کی پول کھول دی ہے ۔
#WATCH | Delhi: People gather to protest outside Sultanpuri Police station regarding the death of a woman who died after she was dragged for a few kms by a car that hit her in Sultanpuri area on January 1. pic.twitter.com/bsCwONThsF
— ANI (@ANI) January 2, 2023
اس دل دہلا دینے والے واقعہ کو لے کر دہلی پولیس پر سوال اٹھ رہے ہیں۔
اتوارکے روز یعنی یکم جنوری کو قومی راجدھانی دہلی میں ماروتی بیلونو میں سوار پانچ لو گوں کے ذریعہ ایک بیس سال لڑکی کو کئی کلومیٹر تک گھسیٹا گیا۔ دل دہلا دینے والا یہ واقعہ دہلی کے سلتان پوری کا ہے۔ اس لڑکی کی اسکوٹی کو کار میں سوار پانچ نوجوانوں نے ٹکر مار دی اور اس کے بعد تقریباً چار کلومیٹر تک گھسیٹتے لے گئے۔ اس واقعہ سے جڑی ایک سی سی ٹی وی فوٹیج بھی سامنے آئی ہے۔
پیر کو متوفی کے لواحقین اور مقامی لوگ سلطان پوری تھانے کے باہر احتجاج کر رہے ہیں اور پولیس انتظامیہ کے
Delhi | As per our investigation, it was a fatal accident. All 5 persons who were present in the car were arrested. They will be produced before the court today. The postmortem of the deceased girl will be conducted through a board of doctors: Harendra K Singh, DCP Outer District https://t.co/yGrjnk3sKO pic.twitter.com/P5BjWVo5AG
— ANI (@ANI) January 2, 2023
خلاف اپنی ناراضگی کا اظہار کر رہے ہیں۔ واقعہ کے خلاف متوفی کے لواحقین اور اہل علاقہ نے سلطان پوری تھانے کے باہر احتجاجی مظاہرہ کیا۔ مشتعل افراد نے ایک کار پر بھی حملہ کیا، جس سے گاڑی کےشیشہ ٹوٹ گئے۔ بتایا جا رہا ہے کہ یہ کار عام آدمی پارٹی کی ایم ایل اے راکھی برلان کی ہے۔
کانگریس لیڈر پون کھیڑا نے بی جے پی اور دہلی پولیس پر نشانہ سادھا ہے۔ کھیڑا نے کہا ہے کہ یہ پہلا واقعہ نہیں ہے جہاں بی جے پی ملزمین کے ساتھ کھڑی نظر آرہی ہے۔ وہ اناٰئو اور رلکھیم پوری کے ملزمین کے ساتھ کھڑے ہیں۔ ہمیں امید ہےکہ دہلی پولیس بی جے پی کے دبائو میں نہیں آئے گی اور مظلوم خاندان کو انصاف دلائے گی۔
دہلی کے وزیر اعلیٰ اروند کجیروال (Arvind Kejriwal )نے کہا کہ ملزمین چاہئے جتنے بھی رسوخ والے کیوں نا ہوں انہیں کڑی سزا ضرور ملے گی۔ کیجروال نے کہا کہ کچھ لڑکوں نے ایک لڑکی کو کارسے کئی کلومیڑ تک
گھسیٹا جس کی وجہ سے لڑکی کی موت ہوگئی ۔ یہ کسی کی بھی بیٹی کے ساتھ ہوسکتاہے۔ کو ئی ملزم کتنا بھی رسوخدار ہو ، ایسے پھانسی کی سزا ملنی چاہئے ۔
دہلی کے لیفٹیننٹ گورنر ونے کمار سکسینہ سلطان پوری واقعہ پر گہری نظر رکھے ہوئے ہیں۔ وہ دہلی کے پولیس کمشنر سے ہرپل کی معلومات لے رہے ہیں۔ لیفٹیننٹ گورنر نے پولس کمشنر کو صبح راج نواس بلایا جہاں تقریباً ڈیڑھ گھنٹے تک میٹنگ ہوئی۔ اس دوران پولس کمشنر نے لیفٹیننٹ گورنر کو کانجھا والا کیس سے متعلق ہر چیز سے آگاہ کیا ہے۔
لڑکی کی لاش برہنہ حالت میں برآمد ہوئی۔ اس واقعہ کے بعد لوگوں کا غصہ بھڑک اٹھا ہے۔ واقعہ کے خلاف متوفی کے لواحقین اور اہل علاقہ نے سلطان پوری تھانے کے باہر احتجاجی مظاہرہ کیا۔
-بھارت ایکسپریس
