Bharat Express DD Free Dish
Bharat Express DD Free Dish
  1. Home » سیاست » Kartavya Bhavan: پی ایم مودی نے اسے غلامی کی سوچ سے آزادی کی طرف ایک بڑا قدم قرار دیا ، جانئےکرتویہ بھون کیوں ہے خاص ؟

Kartavya Bhavan: پی ایم مودی نے اسے غلامی کی سوچ سے آزادی کی طرف ایک بڑا قدم قرار دیا ، جانئےکرتویہ بھون کیوں ہے خاص ؟

اب آپ سوچ رہے ہوں گے کہ یہ نئی عمارت کیوں بنائی گئی؟  قابل ذکر بات یہ ہے کہ  شاستری بھون، نرمان بھون اور کرشی بھون جیسے عمارتیں بہت پرانی ہوچکی ہیں۔ یہ عمارتیں 1950 سے 1970 کی دہائی میں بنائی گئی تھیں

دہلی میں اب ایک نیا اور شاندار سرکاری دفتر تیار ہو چکا ہے۔ اس عمارت کا نام ہے کرتویہ (Kartavya Bhavan)۔ وزیرِاعظم نریندر مودی نے اس کا افتتاح کیا اور اسے غلامی کی سوچ سے آزادی کی طرف ایک بڑا قدم قرار دیا۔

کرتوِیہ بھون کی ضرورت کیوں پیش آئی؟

اب آپ سوچ رہے ہوں گے کہ یہ نئی عمارت کیوں بنائی گئی؟  قابل ذکر بات یہ ہے کہ  شاستری بھون، نرمان بھون اور کرشی بھون جیسے عمارتیں بہت پرانی ہوچکی ہیں۔ یہ عمارتیں 1950 سے 1970 کی دہائی میں بنائی گئی تھیں  اور ان کی تعمیر کسی خاص منصوبہ بندی کے بغیر کی گئی تھی۔ اب یہ عمارتیں خستہ حال ہو چکی ہیں، جگہ کم پڑتی ہے اور دیکھ بھال پر بھی حکومت کو کافی خرچ آتا ہے۔ اسی لیے حکومت نے سوچا کہ کیوں نہ ایک نئی جدید اور پائیدار عمارت بنائی جائے—اور یہیں سے کرتویہ بھون کے تعمیر کی شروعات ہوئی۔

ایک ہی عمارت میں کئی وزارتیں

اب ایک ہی چھت کے نیچے کئی وزارتیں کام کریں گی، جیسے:

وزارت داخلہ

وزارت خارجہ

دیہی ترقیات کی وزارت

MSME

وزارتِ پیٹرولیم

کرتویہ بھون میں یہ سب وزارتیں کام کریں گی۔ اس سے وزارتوں کے درمیان بہتر تال میل قائم ہوگا اور وقت کی بچت بھی ہوگی۔

عمارت میں جدید سہولیات

یہ عمارت دہلی کے جن  پتھ  پر بنائی گئی ہے۔ کرتوتویہ بھون میں جدید سہولیات شامل ہیں، جیسے:

سمارٹ انٹری

سی سی ٹی وی نگرانی

سولر پینل

بارش کے پانی کو جمع کرنے کا نظام

کچرے کا مناسب بندوبست

اس کے علاوہ  اس عمارت کی تعمیر میں ری سائیکل شدہ مواد کا بھی استعمال کیا گیا ہے تاکہ ماحول کو نقصان نہ پہنچے۔

پرانی عمارتوں کا کیا ہوگا؟

اب سوال یہ اٹھتا ہے کہ پرانی عمارتوں کا کیا ہوگا؟ حکومت کا منصوبہ ہے کہ ان عمارتوں کو آہستہ آہستہ خالی کیا جائے گا۔ نارتھ بلاک اورساؤتھ بلاک کو میوزیم میں تبدیل کرنے کی تیاری کی جا رہی ہے۔ اس میوزیم کا نام “یوگے یوگین” رکھا جائے گا۔

پرانی عمارتیں غلامی کی ذہنیت کی علامت تھیں –  وزیر اعظم مودی

افتتاح کے دوران وزیر اعظم مودی نے کہا کہ پرانی عمارتیں غلامی کی ذہنیت کی علامت تھیں۔ انہوں نے یہ بھی کہا کہ ان عمارتوں کی تعمیر بغیر کسی منصوبے کے کی گئی تھی، لیکن کرتویہ بھون جدید بھارت کی سوچ، خود انحصاری اور ذمہ داری کی علامت ہے۔

بھارت ایکسپریس اردو

بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔

Also Read

تازہ ترین خبریں