پی ایم نریندر مودی 25 اگست کو اپنے دو روزہ دورۂ گجرات کے دوران ریاست کو 5477 کروڑ روپے کی مختلف مرکزی و ریاستی ترقیاتی منصوبوں کا تحفہ دیں گے۔ یہ دورہ سیاسی و ترقیاتی دونوں لحاظ سے انتہائی اہمیت کا حامل ہے، جہاں پی ایم مودی روڈ شو، اسکیموں کے افتتاح و سنگ بنیاد اور عوامی اجتماعات میں شرکت کریں گے۔
احمد آباد میں شاندار روڈ شو کی تیاریاں
ریاست کے وزیر صحت و سرکاری ترجمان رشی کیش پٹیل نے بتایا کہ پی ایم مودی شام کے وقت احمد آباد ایئرپورٹ پہنچیں گے اور وہاں سے نروڈا سے نِکول تک تقریباً 3 کلومیٹر طویل روڈ شو میں شریک ہوں گے۔ اس روڈ شو کے راستے اور اختتامی مقام پر لگ بھگ ایک لاکھ لوگوں کی موجودگی کی توقع ہے، جو پی ایم مودی کی مقبولیت کا ثبوت ہے۔
وزیر اعظم رہائشی اسکیم اور دیگر منصوبوں کا افتتاح کریں گے
احمد آباد شہر کے راماپیر ٹیکرا علاقے میں پی ایم رہائشی اسکیم (شہری) کے تحت تعمیر شدہ 1449 مکانات اور 130 دکانوں کا افتتاح کیا جائے گا، جن پر 133.42 کروڑ روپے کی لاگت آئی ہے۔ اس کے علاوہ احمد آباد میونسپل کارپوریشن کے تحت شیلہ، منی پور، گودھوی، سنا تھل اور تیلو کے علاقوں میں بارش کے پانی کی نکاسی، اسٹریٹ فرنیچر، اور دیگر بنیادی ڈھانچے کی اسکیموں کا سنگ بنیاد رکھا جائے گا۔
سپورٹس کمپلیکس اور اوور برج کی بنیاد
سرکھےج وارڈ میں ایک منی اسپورٹس کمپلیکس اور احمد آباد-سابرمتی ریلوے اسٹیشنوں کے درمیان چار لین والا نیا اوور برج تعمیر کیا جائے گا۔ ساتھ ہی کلانہ-چھروڑی میں 38.25 کروڑ روپے کی لاگت سے TP-139/C، 141، اور 144 کے تحت 24 میٹر اور 30 میٹر چوڑی سڑکوں کو چار لین میں تبدیل کرنے کا منصوبہ بھی شامل ہے۔
گاندھی نگر میں شہری ترقی کے لیے 281 کروڑ روپے
پی ایم نریندر مودی گاندھی نگر میں 281 کروڑ روپے کی شہری ترقیاتی اسکیموں کا افتتاح اور سنگ بنیاد رکھیں گے۔ ان میں TP-24 رندھیجا میں دو سیوریج پمپنگ اسٹیشن، پیتھا پور میں نکاسی آب کے نظام کی لائن، اور دھولکوا سے پنچیشور سرکل تک 72 کروڑ روپے کی لاگت سے نئی سڑک کی تعمیر شامل ہے۔ کوبا، رائسن اور رندیسن میں پانی اور سیوریج کی لائنیں بچھانے کے منصوبے بھی اس میں شامل ہیں۔
مہسانہ میں 1796 کروڑ روپے کی ریلوے و دیگر اسکیمیں
प्रधानमंत्री श्री नरेन्द्र मोदी का गुजरात दौरा, ₹1,400 करोड़ से अधिक की रेल परियोजनाओं की देंगे सौगात
537 करोड़ रुपए की लागत से तैयार महेसाणा–पालनपुर रेल लाइन का दोहरीकरण,
347 करोड़ रुपए की लागत से। कलोल–कड़ी–कटोसन रोड रेल लाइन का गेज कन्वर्जन और 520 करोड़ रुपए की लागत से… pic.twitter.com/esQhYSPMd1— DRM Ahmedabad (@drmadiwr) August 23, 2025
مہسانہ ضلع میں وزیر اعظم 1796 کروڑ روپے کی لاگت سے متعدد منصوبوں کا آغاز کریں گے، جن میں 1400 کروڑ روپے سے زائد کی ریلوے اسکیمیں نمایاں ہیں۔ ان میں مہسانہ-پالن پور ریلوے لائن (65 کلومیٹر) کی ڈبلنگ، کلول-کڈی-کاٹوسن لائن (37 کلومیٹر) اور بیچاراجی-رانونج لائن (40 کلومیٹر) کا گیج تبدیل کرنے کا منصوبہ شامل ہے۔ اس کے ساتھ ہی دو نئی ریل گاڑیوں کو ہری جھنڈی دکھائی جائے گی۔
الیکٹرک گاڑی کا نیا باب: ہنسلپور میں پروڈکشن لائن کا افتتاح
26 اگست کو پی ایم مودی ماروتی سوزوکی کے ہنسلپور پلانٹ میں ملک کی پہلی الیکٹرک گاڑی ‘ای-ویٹارا’ کی پیداواری لائن کا افتتاح کریں گے، جو ہندوستان کی آٹوموبائل انڈسٹری میں ایک نئے دور کا آغاز ثابت ہوگا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
