کیرالہ میں آتش بازی کے دوران دردناک حادثہ، 150 سے زائد افراد زخمی، 8 کی حالت تشویشناک
کیرالہ کے کاسرگوڈ ضلع میں نیلیشور کے قریب ایک مندر میں آتش بازی کے دوران ایک خوفناک حادثہ پیش آیا ہے۔ پیر کی رات دیر گئے اس حادثے میں 150 سے زیادہ لوگ زخمی ہو گئے۔ زخمیوں میں سے 8 کی حالت تشویشناک ہے۔ موصولہ اطلاع کے مطابق پولیس کو شبہ ہے کہ یہ حادثہ ویراکاو مندر کے قریب پٹاخے کے ذخیرہ میں آگ لگنے کے بعد پیش آیا۔
#Kasargod Firecracker room caught fire at veerakaav temple https://t.co/3tqCteOJXf pic.twitter.com/4TU0dkLZOb
— 𝖆𝖓𝖚𝖕 (@anupr3) October 28, 2024
حادثے کے فوراً بعد زخمیوں کو کاسرگوڈ، کننور اور منگلورو کے اسپتالوں میں لے جایا گیا۔ تشویشناک صورتحال کے پیش نظر ضلع انتظامیہ کے اعلیٰ افسران بشمول کلکٹر اور ضلع پولیس سربراہ موقع پر پہنچ گئے ہیں۔ انہوں نے متاثرہ افراد کو ریلیف فراہم کرنے کے لیے فوری اقدامات کرنے کی ہدایت کی ہے۔ ساتھ ہی کیرالہ پولیس نے ایف آئی آر درج کرکے پورے معاملے کی جانچ شروع کردی ہے۔
پٹاخوں میں زبردست آگ لگ گئی، 2 جاں بحق
اسی وقت حیدرآباد کے یکہ پورہ ریلوے اسٹیشن کے قریب مشرقی چندر نگر میں کل رات تقریباً 11 بجے ایک دو منزلہ عمارت میں آگ لگنے سے شوہر اور بیوی کی موت ہوگئی اور ایک اور لڑکی زخمی ہوگئی۔ عمارت کی پہلی منزل پر آگ بھڑک اٹھی، جہاں پیسٹری بنائی جا رہی تھی۔ اس کے بعد آگ قریب ہی فروخت کے لیے رکھے پٹاخوں اور روئی کے ڈبوں میں پھیل گئی۔ اس حادثہ میں اشارانی (50) اور اس کے شوہر موہن لال (58) کی موت ہوگئی اور 18 سالہ شروتی زخمی ہوگئی۔ شروتی کو عثمانیہ جنرل اسپتال میں داخل کرایا گیا تھا۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
