بی جے پی آئی ٹی سیل کے سربراہ امیت مالویہ کے خلاف بنگلور ومیں ایف آئی آر درج،راہل گاندھی کو لےکر کیا تھا ٹوئٹ
Amit Malviya: بی جے پی آئی ٹی سیل کے سربراہ امیت مالویہ کے خلاف کانگریس لیڈرراہل گاندھی کا حوالہ دیتے ہوئے متنازعہ ٹوئٹ کرنے پر بنگلورو میں ایف آئی آر درج کی گئی ہے۔ مالویہ کے ٹوئٹ کو لے کر کانگریس لیڈروں کی جانب سے پولس میں شکایت درج کرائی گئی تھی۔جس کے بعد ایف آئی آر درج کی گئی ہے۔ مالویہ پر راہل کو ہندو ثقافت اور ہندوستان کے خلاف دکھانے کا الزام ہے۔ اس کے ساتھ یہ بھی کہا گیا ہے کہ بی جے پی لیڈر مالویہ کی جانب سے راہل گاندھی کی تقریر کو بدل کر جھوٹ پروسنے کا کام کیا ہے۔
مالویہ کے الزامات
کانگریس لیڈررمیش بابو نے امیت مالویہ کے خلاف شکایت درج کرائی ہے۔ اس شکایت میں کہا گیا ہے کہ جو ویڈیو ٹوئٹ کیا گیا ہے وہ سماجی ناانصافی کے خلاف ہے۔ انہوں نے راہل گاندھی، انڈین نیشنل کانگریس اور بین الاقوامی میڈیا کے درمیان تعلق ظاہر کیا ہے۔ ویڈیو میں انہوں نے دکھایا ہے کہ کانگریس صرف اقلیتوں کی حمایت کرتی ہے۔
قانونی کارروائی کی درخواست کی
شکایت میں کہا گیا ہے، ” ٹوئٹ میں راہل گاندھی کی تقریروں میں ردوبدل کیا گیا ہے اور کہا گیا ہے کہ وہ سماج کو تقسیم کرنا چاہتے ہیں اور سماج میں نفرت پھیلانا چاہتے ہیں۔ اس سے راہل گاندھی اور انڈین نیشنل کانگریس کی شبیہ کو داغدار کیا گیا ہے اور ان کے احترام کو نقصان پہنچا ہے۔ معاشرے کو نقصان پہنچا ہے۔ اس لیے ہم امت مالویہ اور دیگر کے خلاف قانون کے مطابق کارروائی کرنے کی درخواست کرتے ہیں۔”
کیا تھا بی جے پی لیڈر کا ٹویٹ؟
دراصل کچھ دن پہلے بی جے پی کے آئی ٹی سیل کے سربراہ امیت مالویہ نے راہل گاندھی کا حوالہ دیتے ہوئے ایک ٹویٹ کیا تھا۔ جس میں انہوں نے لکھا، “راہل گاندھی خطرناک ہیں اور اندرونی لوگوں کا کھیل کھیل رہے ہیں۔ ان سے زیادہ خطرناک سام پی جیسے لوگ ہیں ۔جو ہندوستان کے خلاف تعصب پھیلا رہے ہیں۔ یہ لوگ پی ایم مودی کو بیرون ملک بدنام کرنے میں کوئی کسر نہیں چھوڑتے ہیں۔”
امیت مالویہ کے اس ٹوئٹ پر کانگریس کے کئی لیڈروں نے اعتراض کیا تھا جس کے بعد اب پولیس میں شکایت درج کرائی گئی ہے۔ اس سے قبل کرناٹک حکومت کے وزیر اور ملکارجن کھڑگے کے بیٹے پرینک کھڑگے نے بھی بی جے پی لیڈروں کے خلاف کانگریس لیڈروں کو بدنام کرنے اور گمراہ کن پوسٹس کرنے کی شکایت درج کروائی تھی۔
-بھارت ایکسپریس
