امریکہ کے سابق صدر ڈونالڈ ٹرمپ نے منگل کے روز پی ایم نریندر مودی کو ان کی 75ویں سالگرہ کے موقع پر فون کر کے مبارکباد دی۔ ٹرمپ نے مودی کو اپنا “دوست” قرار دیتے ہوئے ان کی تعریف کی اور روس-یوکرین جنگ کے خاتمے میں بھارت کی حمایت پر شکریہ بھی ادا کیا۔یہ فون کال دونوں ملکوں کے تعلقات کو مضبوط کرنے کی سمت ایک اہم قدم تصور کیا جا رہا ہے، خاص طور پر ایسے وقت میں جب حالیہ دنوں میں تجارت اور ٹیکس (ٹیرِف) کے معاملے پر کچھ تناؤ دیکھنے کو ملا تھا۔
پی ایم مودی سے فون پر اچھی گفتگو ہوئی
ٹرمپ نے اپنی سوشل میڈیا سائٹ “ٹروتھ سوشل” پر لکھا:”میں نے اپنے دوست پی ایم نریندر مودی سے فون پر اچھی بات چیت کی۔ میں نے انہیں سالگرہ کی بہت ساری مبارکباد دی۔ وہ شاندار کام کر رہے ہیں۔ نریندر، روس-یوکرین جنگ کو ختم کرنے میں آپ کی حمایت کے لیے شکریہ! — صدر DJT”
ٹرمپ نے اس پیغام پر اپنے ابتدائی حروف (DJT – Donald John Trump) سے دستخط کیے، جو اس بات کی طرف اشارہ کرتا ہے کہ یہ گفتگو ذاتی اور دوستانہ نوعیت کی تھی۔
گرم جوشی بھری نیک تمناؤں کے لیے شکریہ پی ایم مودی
Thank you, my friend, President Trump, for your phone call and warm greetings on my 75th birthday. Like you, I am also fully committed to taking the India-US Comprehensive and Global Partnership to new heights. We support your initiatives towards a peaceful resolution of the…
— Narendra Modi (@narendramodi) September 16, 2025
پی ایم نریندر مودی نے بھی اس فون کال پر ٹرمپ کا شکریہ ادا کیا۔انہوں نے “ایکس پر لکھا: میرے دوست صدر ٹرمپ، میری 75ویں سالگرہ پر آپ کے فون کال اور گرمجوشی بھری مبارکباد کے لیے شکریہ۔ میں بھی بھارت-امریکہ کے درمیان جامع اور عالمی شراکت داری کو نئی بلندیوں تک لے جانے کے لیے پوری طرح پُرعزم ہوں۔ ہم یوکرین بحران کے پرامن حل کے لیے آپ کی کوششوں کی حمایت کرتے ہیں۔”
تنازع کے بعد تعلقات دوبارہ بحال؟
یہ فون کال جون میں جی7 اجلاس کے دوران مودی اور ٹرمپ کے درمیان ہونے والی آخری ملاقات کے بعد پہلا براہ راست رابطہ تھا۔اس کے بعد دونوں ممالک کے تعلقات میں کچھ کشیدگی دیکھنے کو ملی تھی، خاص طور پر جب ٹرمپ انتظامیہ نے بھارت پر 50 فیصد تک درآمدی محصولات (ٹیرِف) لگائے تھے، جن میں روس سے تیل کی خریداری پر 25 فیصد ٹیرِف بھی شامل تھا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
